ឡុងដ៏៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២៤ ខែវិច្ឆិកា ឆ្នាំ២០២២ថា ចក្រភពអង់គ្លេសអាចដកដែនកំណត់១០០មីលីលីត្រសម្រាប់ការទទួលយកសារធាតុរាវតាមរយៈសន្តិសុខអាកាសយានដ្ឋាននៅពាក់កណ្តាលឆ្នាំ២០២៤ បន្ទាប់ពីការដំឡើងគោលដៅនៃម៉ាស៊ីនស្កេនសុវត្ថិភាពកម្រិតខ្ពស់បន្ថែមទៀតនៅក្នុងព្រលានយន្តហោះចក្រភពអង់គ្លេសទាំងអស់នៅពេលនោះ ។ នេះបើយោងតាមរបាយការណ៍ដោយប្រព័ន្ធផ្សព្វផ្សាយក្នុងស្រុកបានឲ្យដូច្នេះ ។
គោលនយោបាយនេះនៅតែស្ថិតក្រោមការត្រួតពិនិត្យ ហើយការប្រកាសជាផ្លូវការត្រូវបានគេរំពឹងថា នៅក្នុងសប្តាហ៍ខាងមុខមុនថ្ងៃទី២៥ ខែធ្នូ ។ កាសែត The Times បានដកស្រង់សម្តីមន្ត្រីបានលើកឡើងឲ្យដឹង ។
គេបានដឹងថា បច្ចុប្បន្ន អ្នកដំណើរត្រូវបានតម្រូវឱ្យដកថេប្លេត កុំព្យូទ័រយួរដៃ និងវត្ថុរាវចេញពីកាបូបយួរតាមខ្លួន ។ សារធាតុរាវមិនត្រូវលើសពី១០០មីលីលីត្រ ហើយត្រូវតែនៅដាក់ក្នុងថង់ប្លាស្ទិកត្រឹមត្រូវ ។
ច្បាប់នេះត្រូវបានណែនាំកាលពី១៦ឆ្នាំមុន បន្ទាប់ពីផែនការភេរវករមួយដើម្បីដាក់គ្រាប់បែកទម្លាក់យន្តហោះដឹកអ្នកដំណើរចំនួន៧នាក់ដោយប្រើគ្រឿងផ្ទុះដែលបន្លំជាភេសជ្ជៈត្រូវបានហាមឃាត់ ៕
ប្រែសម្រួលដោយ៖ ម៉ៅ បុប្ផាមករា
