បរទេស ៖ ប្រធានាធិបតីតួកគី លោក Recep Tayyip Erdogan បានប្រកាសកាលពីថ្ងៃសុក្រថា តួកគីប្តេជ្ញាថានឹង «កំចាត់ក្រុមភេរវករ» មិនថាពួកគេនៅទីណា ឬអ្នកណា ដែលពួកគេចាត់ទុកជាដៃ គូនោះទេ។
យោងតាមសារព័ត៌មាន RT ចេញផ្សាយ នៅថ្ងៃទី២៥ ខែវិច្ឆិកា ឆ្នាំ២០២២ បានឱ្យដឹងថា ការអត្ថាធិប្បាយ របស់លោកបានកើតឡើង បន្ទាប់ពីទីក្រុងវ៉ាស៊ីនតោនបានតវ៉ា ជាមួយទីក្រុងអង់ការ៉ា អំពីការវាយប្រហារតាមអាកាស ដែល “គំរាមកំហែងដោយផ្ទាល់” ដល់ទាហានអាមេរិកដែលធ្វើការ ជាមួយកងជីវពលឃឺដ នៅក្នុងប្រទេសស៊ីរី។
លោក Erdogan បាននិយាយនៅក្នុងសុន្ទរកថា មួយនៅឯកន្លែងផលិតកប៉ាល់អ៊ីស្តង់ប៊ុលថា “មិនថាភេរវករណា ដែលឃុបឃិតជាមួយទេ Türkiye នឹងទទួលខុសត្រូវលើពួកគេជានិច្ច ចំពោះរាល់ដំណក់ឈាម ដែលពួកគេបានបង្ហូរ” ។
លោក Erdogan ក៏បាននិយាយផងដែរថា “គ្មាននរណាម្នាក់ អាចបង្រៀន តួកគី ដែលជាសម្ព័ន្ធមិត្តណាតូតែមួយគត់ ដែលបានប្រយុទ្ធជាមួយពួក Daesh ដៃទល់នឹងដៃ និងទទួលបានជ័យជំនះ” ដោយសំដៅទៅលើក្រុម ភេរវកររដ្ឋអ៊ីស្លាម (IS ដែលពីមុនជា ISIS) ៕
