បរទេស៖ ឧត្តមសេនីយ៍ឯក Valdemaras Rupsys ប្រមុខការពារជាតិប្រទេស លីទុយអានីបាននិយាយថា កងកម្លាំងសហរដ្ឋអាមេរិក ដែលឈរជើងនៅក្នុងប្រទេសលីទុយអានី បានផ្លាស់ប្តូរជំហររបស់ពួកគេ ពីការរារាំងរបស់រុស្ស៊ី ទៅជាការត្រៀមខ្លួនប្រយុទ្ធ។ ប្រទេសនេះមានព្រំដែនជាប់នឹងតំបន់ Kaliningrad របស់រុស្ស៊ីនៅលើសមុទ្របាល់ទិក ក៏ដូចជាជាមួយបេឡារុស្ស និង ប្រទេសឡាតវី។
យោងតាមសារព័ត៌មាន RT ចេញផ្សាយនៅថ្ងៃទី២ ខែធ្នូ ឆ្នាំ២០២២ បានឱ្យដឹងថា លោកឧត្តមសេនីយ៍ Rupsys បានប្រាប់វិទ្យុ LRT កាលពីថ្ងៃសុក្រថា “កត្តាចម្បងដែលធ្លាប់ជាការរារាំង បង្ហាញឱ្យឃើញពួកគេនៅទីនេះ ហើយអាចបង្កើនកម្លាំងរបស់យើងនៅពេលណាក៏បាន” ។ ហើយឥឡូវនេះស្ថានភាពបានផ្លាស់ប្តូរ៖ អង្គភាពទាំងនោះកំពុងត្រូវបានដាក់ពង្រាយ ដូច្នេះពួកគេអាចប្រយុទ្ធបានភ្លាមៗ។ វាគឺជាការផ្លាស់ប្តូរពីរបៀបមួយទៅរបៀបមួយ។
ឧត្តមសេនីយ៍ឯក Valdemaras Rupsys ប្រមុខការពារជាតិប្រទេសលីទុយអានី បន្ថែមថា “យ៉ាងហោចណាស់រហូតដល់ឆ្នាំ ២០២៥ យើងនឹងមានអង្គភាពសហរដ្ឋអាមេរិក វិលជុំដែលនឹងធ្វើការហ្វឹកហ្វឺនយោធា និងបម្រើជាកត្តារារាំង ប៉ុន្តែក៏នឹងត្រៀមខ្លួនជាស្រេចដើម្បីអនុវត្តសកម្មភាពការពាររួមគ្នាជាមួយយើង និងសម្ព័ន្ធមិត្តផ្សេងទៀត” ៕
ប្រែសម្រួលៈ ណៃ តុលា
