លោក វ៉ាង យី៖ ចិន និងជប៉ុន គួរប្រុងប្រយ័ត្ន ជៀសវាង ធ្លាក់ចូលទៅក្នុងអន្ទាក់ល្បែងសូន្យ

ប៉េកាំង៖ រដ្ឋមន្ត្រីការបរទេសចិន លោក វ៉ាង យី បានឲ្យដឹងថា ប្រទេសចិន និងជប៉ុន ត្រូវតែជៀសវាងការធ្លាក់ចូលទៅក្នុង “អន្ទាក់ល្បែងសូន្យ” ហើយជំនួសមកវិញឱ្យក្លាយជាដៃគូសហប្រតិបត្តិការ។

នៅក្នុងសារជាវីដេអូទៅកាន់វេទិកាមួយ ដែលមានការចូលរួមដោយអ្នកជំនាញនៃបណ្តាប្រទេសអាស៊ី លោក វ៉ាង យី ក៏បានជំរុញឱ្យប្រទេសជប៉ុន ដែលជាសម្ព័ន្ធមិត្តសន្តិសុខដ៏ជិតស្និទ្ធរបស់សហរដ្ឋអាមេរិក កុំឱ្យខ្ចីដៃ ចំពោះការប៉ុនប៉ងដែលជាការយល់ឃើញរបស់ទីក្រុងវ៉ាស៊ីនតោន ក្នុងការបំបែកប្រទេសចិន ចេញពីសេដ្ឋកិច្ចពិភពលោក។

លោក បន្ដថា ដោយសង្កត់ធ្ងន់ថា ប្រទេសទាំងពីរគឺជា “អ្នកជិតខាងជារៀងរហូត” ទីក្រុងប៉េកាំង និងតូក្យូ គួរតែ “ប្រុងប្រយ័ត្នចំពោះការរំខានដោយព្យាបាទចំពោះទំនាក់ទំនងសេដ្ឋកិច្ច និងពាណិជ្ជកម្មចិន-ជប៉ុន”។

លោកឲ្យដឹងនៅក្នុងសារជិត ៨នាទីថា “យើងគួរតែប្រព្រឹត្ត ចំពោះគ្នាទៅវិញទៅមកដោយការពិចារណា និងដោយស្មោះ។ យើងមិនត្រូវចូលរួមក្នុងការប្រឈមមុខដាក់គ្នារវាងជំរុំ ឬជាប់ក្នុងអន្ទាក់ហ្គេមគ្មានផលបូក” នោះទេ។

កាលពីថ្ងៃពុធ រដ្ឋមន្ត្រីការបរទេសជប៉ុន លោក Yoshimasa Hayashi ក៏បានផ្ញើសារជាវីដេអូទៅកាន់សន្និសីទរយៈពេលពីរថ្ងៃ ដែលរៀបចំដោយក្រុមអ្នកគិតមិនរកប្រាក់ចំណេញរបស់ប្រទេសជប៉ុន Genron NPO និងក្រុមទំនាក់ទំនងអន្តរជាតិចិន។

អស់រយៈពេលពីរឆ្នាំរហូតដល់ឆ្នាំ២០២១ វេទិកាប្រចាំឆ្នាំដែលបានចាប់ផ្តើមនៅឆ្នាំ២០០៥ បានធ្វើឡើងតាមអ៊ីនធឺណិតប្រឆាំងនឹងផ្ទៃខាងក្រោយនៃជំងឺរាតត្បាតកូវីដ-១៩ ដែលបានចាប់ផ្តើមនៅដើមឆ្នាំ២០២០៕ប្រែសម្រួល ឈូក បូរ៉ា