គៀវ៖ ខណៈដែលមន្ត្រីលោកខាងលិចបង្ហាញថា រុស្ស៊ីនឹងព្យាយាមបញ្ឈប់សង្គ្រាមរបស់ខ្លួននៅអ៊ុយក្រែន ក្នុងរដូវរងា អ៊ុយក្រែនប្រហែលជាគ្មានជម្រើសអ្វី ក្រៅតែពីបន្តការជំរុញរបស់ខ្លួនប្រឆាំងនឹងការឈ្លានពានរបស់រុស្ស៊ីក្នុងរដូវត្រជាក់បំផុតនៃឆ្នាំនេះ នេះបើយោងតាមអ្នកជំនាញ។
ថ្លែងនៅក្នុងព្រឹត្តិការណ៍ Financial Times Global Boardroom កាលពីថ្ងៃពុធ អគ្គលេខាធិការអង្គការណាតូ លោក Jens Stoltenberg បានលើកឡើងថា រុស្ស៊ីកំពុង “ព្យាយាមផ្អាកជម្លោះ” ដើម្បីប្រមូលផ្តុំឡើងវិញ ហើយចាប់ផ្តើមការវាយលុកធំជាងនេះនៅពេលក្រោយ”។ លោកបានបន្ថែមថា នេះគឺដោយសារតែ “អ៊ុយក្រែនឥឡូវនេះមានសន្ទុះ” នៅក្នុងសង្រ្គាមយូរអង្វែង។
កាសែត Newsweek របស់អ៊ុយក្រែនមិនអាចបញ្ជាក់ដោយឯករាជ្យថា រុស្ស៊ីកំពុងរៀបចំផែនការបង្កករដូវរងានោះទេ ហើយបានទាក់ទងទៅក្រសួងការពារជាតិរុស្ស៊ី ដើម្បីសុំការបញ្ជាក់ និងការអត្ថាធិប្បាយ។
លោក Dan Soller អតីតវរសេនីយឯកចារកម្មកងទ័ពអាមេរិក យល់ស្របថា រុស្ស៊ីហាក់ដូចជាកំពុងព្យាយាមបញ្ឈប់សង្គ្រាម។ លោកបានប្រាប់កាសែត Newsweek ថាវាមានសារៈសំខាន់សម្រាប់អ៊ុយក្រែន ក្នុងការរក្សាសម្ពាធរបស់ខ្លួនលើប្រទេសរុស្ស៊ីក្នុងរដូវរងារ ខណៈដែលរុស្ស៊ីមានបំណងរៀបចំក្រុមឡើងវិញ ដើម្បីរៀបចំសម្រាប់ការចាប់ផ្តើមការវាយលុកជាថ្មីនៅពេលក្រោយ៕
