មន្ត្រីជាន់ខ្ពស់អ៊ឺរ៉ុប អះអាងថា ប្លុករបស់ខ្លួន កំពុងខ្វះខាត សមត្ថភាពការពារសំខាន់ៗ

បរទេស៖ ប្រធានកិច្ចការងារគោលនយោបាយរ បស់ប្លុកអឺរ៉ុបលោក Josep Borrell កាលពីថ្ងៃម្សិលមិញនេះ បានថ្លែងទៅកាន់សន្និសិទកាសែតប្រចាំថ្ងៃមួយថា អឺរ៉ុបត្រូវតែចាប់ផ្តើមទទួលខុសត្រូវលើសន្តិសុខ សុវត្ថិភាពរបស់ខ្លួន ខណៈដែលលោកក៏បានប្រកាសដែរ កញ្ចប់ថវិកាសម្រាប់ចំណាយ លើវិស័យការពារជាតិទាំងអស់ នៅក្នងប្លុកនឹងមានចំនួនកើនឡើង ទៅដល់៧០ពាន់លានអឺរ៉ូ នៅឆ្នាំក្រោយ។

ថ្លែងទៅកាន់វេទិកាស្តីអំពីការវិនិយោគ ទៅលើកិច្ចការពារជាតិរបស់អឺរ៉ុបឬ Inesting in European Defence Forum លោក Borell ដែលក៏ជាប្រធានទីភ្នាក់ងារការពាររបស់អឺរ៉ុបឬ EDA ផងនោះបានអំពាវនាវឲ្យប្រជាជាតិអឺរ៉ុប ក្នុងការសហការជជាមួយគ្នាបន្ថែមទៀតដើម្បីបង្កើនកម្លាំង ក្នុងវិស័យការពារជាតិ ខណៈដែលពេលនេះកំពុងមានចន្លោះប្រហោង។

លោកបន្តថាពួកគេគួរចាប់ផ្តើម ក្រឡេកមើលទៅអតីតកាល ចំពោះជម្លោះនាពេលបច្ចុប្បន្ន និងការចូលរួមពាក់ព័ន្ធទៅនឹងសង្គ្រាមនៅអ៊ុយក្រែនហើយ ជាពិសេសគឺជាបញ្ហាគម្រាមកំហែងនាពេលអនាគត។

គួរឲ្យដឹងដែរថាលោក Borrell ក៏បានលើកឡើងអំពីការចំណាយ ទៅលើវិស័យការពារជាតិដែលប្លុកអឺរ៉ុប កាលពីឆ្នាំ២០២១បានចំណាយកើនឡើងលើសកំណត់ត្រា ដល់ទៅ២០០ពាន់លានអឺរ៉ូជាលើកដំបូង៕ ប្រែសម្រួល៖ស៊ុនលី