យប់ថ្ងៃទី១៥ ខែធ្នូ លោក Xi Jinping ប្រធានរដ្ឋចិន បានថ្លែងសុន្ទរកថា តាមប្រព័ន្ធវីដេអូ ក្នុងពិធីបើកកិច្ចប្រជុំជាន់ខ្ពស់ ដំណាក់កាលទីពីរ នៃមហាសន្និបាតភាគី ហត្ថលេខីនៃ «អនុសញ្ញាជីវចម្រុះ» លើកទី១៥ ដែលបើកធ្វើនៅក្រុងMontreal ប្រទេសកាណាដា ។
លោក Xi Jinping បានលើកឡើងថា មនុស្សជាតិ ជាសហគមន៍រួមវាសនា មានតែសាមគ្គីគ្នា និងធ្វើកិច្ចសហប្រតិបតិ្តការជាមួយគ្នា ទើបអាចឆ្លើយតប នឹងការប្រឈមជាសកល ប្រកបដោយប្រសិទ្ធភាពបាន ។ ពួកយើងគួរតែចាប់ដៃគ្នា ធ្វើកិច្ចខិតខំប្រឹងប្រែង ដើម្បីជំរុញការរួមរស់ នៅជាមួយគ្នាប្រកប ដោយភាពចុះសម្រុងគ្នា រវាងមនុស្សនិងធម្មជាតិ រួមគ្នាបង្កើតសហគមន៍រួមវាសនា របស់ភពផែនដី ក៏ដូចជារួមគ្នាកសាងពិភពលោក ដ៏ស្រស់ប្រិមប្រិយ ។
នៅពេលអនាគត ប្រទេសចិន នឹងបន្តបង្កើន កិច្ចកសាងអរិយធម៌ អេកូឡូស៊ី ចូលរួមគម្រោងប្រតិបតិ្ត របស់អង្គការសហប្រជាជាតិ ស្តីពីការស្តារ ប្រព័ន្ធអេកូ-បរិស្ថានឡើងវិញ ក្នុងរយៈពេល ១០ឆ្នាំ អនុវត្តគម្រោងធំ និងសំខាន់មួយចំនួន ក្នុងន័យអភិរក្សនិងស្តារឡើងវិញនូវជីវចម្រុះ ធ្វើការផ្លាស់ប្តូរ និងកិច្ចសហប្រតិបតិ្តការ អន្តរជាតិ ឱ្យបានស៊ីជម្រៅ ព្រមនិងជំរុញឱ្យមូលនិធិជីវចម្រុះក្រុង គុនមីង ឱ្យដើរតួនាទីកាន់តែល្អ តាមរយៈសហព័ន្ធអន្តរជាតិ អភិវឌ្ឍន៍បៃតង “ខ្សែក្រវាត់និងផ្លូវ ” ក៏ដូចជាផ្តល់ការគាំទ្រនិងជំនួយ តាមលទ្ធភាពខ្លួនដល់ ប្រទេសកំពុងអភិវឌ្ឍន៍ ដើម្បីជំរុញអភិបាល កិច្ចជីវចម្រុះសកលឱ្យឡើង ដល់កម្រិតថ្មី ៕
