គៀវ ៖ ប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី បានឲ្យដឹងថា ស្ថានភាពនៅក្នុងតំបន់ដុនបាស របស់អ៊ុយក្រែន គឺពិតជាលំបាកខ្លាំងណាស់ ដោយសារកងកម្លាំងរុស្ស៊ី បន្តប្រើប្រាស់ធនធានដែលមាន ដើម្បីសម្រេចបាននូវ វឌ្ឍនភាពមួយចំនួន ។
លោកបានលើកឡើងថា “ខ្សែប្រយុទ្ធជួរមុខនៅតំបន់ Bakhmut, Kreminna និងតំបន់ផ្សេងទៀតនៅក្នុងតំបន់ដុនបាស ដែលឥឡូវនេះត្រូវការកម្លាំង និងការប្រមូលផ្តុំអតិបរមា ។ ស្ថានភាពនៅទីនោះគឺពិបាក និងស្រួចស្រាវខ្លាំងណាស់”។
លោក ហ្សេឡិនស្គី បានឲ្យដឹង នៅក្នុងសុន្ទរកថាជាសាធារណៈដោយមិនបង្ហាញព័ត៌មានលម្អិតអំពីប្រភេទនៃធនធាន ដែលប្រជាជនរុស្ស៊ីកំពុងប្រើប្រាស់ ដើម្បីធ្វើឱ្យមានការរីកចម្រើន នៅក្នុងអ៊ុយក្រែន អ្នកកាន់កាប់កំពុងប្រើប្រាស់ធនធានទាំងអស់ដែលមានសម្រាប់ពួកគេ ហើយទាំងនេះ គឺជាធនធានដ៏សំខាន់” ។
តំបន់ Kreminna ដែលជាទីក្រុងមួយស្ថិតនៅក្នុងតំបន់ Luhansk មិនទាន់ត្រូវបានរំដោះនៅឡើយទេ បើទោះបីជាកងកម្លាំងរុស្ស៊ីបានដកខ្លួន និងផ្លាស់ទៅទីក្រុង Rubizhne ដែលជាទីក្រុងក្បែរនោះដែលមានចំងាយជាង ៩ ម៉ាយពីសមរភូមិមុខក៏ដោយ នេះបើយោងតាមលោក Serhiy Haidai ប្រមុខរដ្ឋបាលយោធាក្នុងតំបន់ Luhansk របស់អ៊ុយក្រែន។
លោកបានលើកឡើងថា “របាយការណ៍ដែលថា យោធារបស់យើងបានរំដោះក្រឹមិនណារួចហើយ ឬយ៉ាងហោចណាស់ បានឈានទៅដល់ជាយក្រុង របស់វាមិនមែន ជាការពិតទេ ប៉ុន្តែការប្រយុទ្ធគ្នា កំពុងកើតមាននៅជិតទីក្រុង ហើយខ្ញុំអាចនិយាយបានថា បញ្ជារបស់ echelon ជាក់លាក់មួយ ដែលបានឈរជើងនៅតំបន់ Kreminna ឥឡូវនេះត្រូវបានផ្លាស់ប្តូរ ។
លោក Haidai ក៏បានឲ្យដឹងផងដែរថា រុស្ស៊ីបានបរាជ័យ ក្នុងការរៀបចំការវាយលុកឆ្ពោះទៅរកទីក្រុង Lyman ដែលជាទីក្រុងមួយក្នុងតំបន់ Donetsk បន្ទាប់ពីកងកម្លាំងអ៊ុយក្រែន អាចរារាំងផែនការនេះបាន ៕
