បរទេស៖ អ្នកនាំពាក្យក្រសួងការពារជាតិចិន លោក Tan Kefei បាននិយាយកាលពីថ្ងៃព្រហស្បតិ៍ថា កងទ័ពរំដោះប្រជាជនចិន (PLA) បានត្រៀមខ្លួនជាស្រេចដើម្បីធ្វើការជាមួយកងទ័ពនៃបណ្តាប្រទេសអារ៉ាប់ និងរួមគ្នាលើកកម្ពស់គំនិតផ្តួចផ្តើមសន្តិសុខពិភពលោក។
យោងតាមសារព័ត៌មាន Sputnik ចេញផ្សាយនៅថ្ងៃទី២៩ ខែធ្នូ ឆ្នាំ២០២២ បានឱ្យដឹងថា លោក Tan បានប្រាប់សន្និសីទសារព័ត៌មានមួយថា “កងកម្លាំងប្រដាប់អាវុធរបស់ប្រទេសចិន និងបណ្តាប្រទេសអារ៉ាប់មានសារៈសំខាន់សម្រាប់ការរក្សាសន្តិភាព និងស្ថិរភាពនៅទូទាំងពិភពលោក។
អ្នកនាំពាក្យរូបនេះបានកត់សម្គាល់ថា កិច្ចសហប្រតិបត្តិការយោធារបស់ប្រទេសមានផ្លែផ្កាក្នុងវិស័យជាច្រើន រួមទាំងការផ្លាស់ប្តូរកម្រិតខ្ពស់ និងការផ្លាស់ប្តូរផ្សេងៗរវាងយោធា។ លោក Tan បានបន្ថែមថា ប្រទេសនានាក៏បានអនុវត្តសមយុទ្ធ និងកិច្ចសហប្រតិបត្តិការលើវិស័យសម្ភារៈយោធា បច្ចេកវិទ្យា និងការហ្វឹកហ្វឺនផងដែរ៕
ប្រែសម្រួលៈ ណៃ តុលា
