បាងកក ៖ នាយករដ្ឋមន្ត្រីថៃ លោក ប្រាយុទ្ធ ចាន់អូឆា កាលពីថ្ងៃសៅរ៍បានអំពាវនាវ ឱ្យប្រជាជនថៃ ធ្វើជាម្ចាស់ផ្ទះដ៏ល្អ សម្រាប់ជនបរទេស និងបំពេញភារកិច្ច របស់ពួកគេឱ្យអស់ពី សមត្ថភាព សម្រាប់ការអភិវឌ្ឍជាតិ និងសង្គម ។
ថ្លែងសុន្ទរកថា ឆ្នាំថ្មីរបស់គាត់នឹងរោទិ៍នៅឆ្នាំ២០២៣ តាមរយៈខ្សែអាត់សំឡេងនិងវីដេអូ លោក ប្រាយុទ្ធ បានហៅឆ្នាំ២០២២ ថាជា “ឆ្នាំជ័យជំនះ” សម្រាប់ប្រទេសថៃ ដែលអាចឆ្លងកាត់វិបត្តិផ្សេងៗ កាលពីអតីតកាល។
ពិនិត្យឡើងវិញកាលពីឆ្នាំមុន នាយករដ្ឋមន្ត្រីថៃបាននិយាយថា ជ័យជំនះដំបូងគឺការប្រយុទ្ធប្រឆាំងនឹង “សង្រ្គាមកូវីដ”។ ប្រជាជនថៃអាចត្រឡប់ទៅធ្វើការវិញ រស់នៅ និងបានជួបគ្នាក្នុងស្ថាន ភាពធម្មតាថ្មី។
លោកក៏បានកោតសរសើរផងដែរ ចំពោះជោគជ័យក្នុងការធ្វើជាម្ចាស់ផ្ទះ នៃកិច្ចប្រជុំមេដឹកនាំសេដ្ឋកិច្ច APEC លើកទី២៩ និងកិច្ចប្រជុំពាក់ព័ន្ធរាប់រយ ដែលជួយបង្កើតបរិយាកាស នៃកិច្ចសហប្រតិបត្តិការលើគ្រប់វិស័យ និងលើកកំពស់តួនាទី របស់ប្រទេសថៃ នៅលើឆាកពិភពលោក ឱ្យកាន់តែលេចធ្លោ។
លោក ប្រាយុទ្ធ បានលើកឡើងថា ជ័យជម្នះលើកទីពីរ គឺប្រទេសថៃ អាចរក្សាស្ថិរភាពសេដ្ឋកិច្ច និងកាត់បន្ថយផលប៉ះពាល់ទាំងដោយផ្ទាល់ និងដោយប្រយោល លើសុខុមាលភាពទូទៅ របស់ប្រជាជនពីជម្លោះនយោបាយ និងភូមិសាស្ត្រនយោបាយអន្តរជាតិ។
លោកបន្ថែមថា “នៅក្នុងសេដ្ឋកិច្ចពិភពលោកដែលធ្លាក់ចុះ ការនាំចេញ របស់យើងនៅតែរឹងមាំ ការជួញដូរបានចាប់ផ្តើមបង្ហាញសញ្ញាល្អ ការវិនិយោគកាន់តែមានភាពលេចធ្លោ ហើយទេសចរណ៍កំពុងងើបឡើងវិញ យ៉ាងខ្លាំង”៕
ប្រែសម្រួល ឈូក បូរ៉ា
