បរទេស៖យោងតាមការចេញផ្សាយរបស់កាសែតបរទេសកាលពីថ្ងៃចន្ទម្សិលមិញនេះ បានឲ្យដឹងថាសហរដ្ឋអាមេរិក បានចេញមកធ្វើការ ប្រកាសបដិសេធថា មិនមានផែនការណាមួយក្នុងការធ្វើសមយុទ្ធយោធាបែបលំហាត់នុយក្លេអ៊ែរ ជាមួយនឹងកូរ៉េខាងត្បូងដូចដែល បានលើកឡើងមុននេះឡើយ។
ប្រធានាធិបតីអាមេរិកលោក Joe Biden បានបញ្ជាក់ច្បាស់ហើយថា អាមេរិកនឹងមិនចូលរួមសមយុទ្ធយោធា បែបនេះឡើយខណៈ ដែលមុននេះបន្តិចប្រធានាធិបតីកូរ៉េខាងត្បូងលោក Yoon Suk Yeol បានអះអាងថា រដ្ឋាភិបាលទីក្រុងសេអ៊ូលនិងរដ្ឋាភិបាលទីក្រុងវ៉ាស៊ិនតោន នឹងអាចចូលរួមធ្វើសមយុទ្ធយោធា បែបនេះរួមគ្នានាពេលខាងមុខ។
![](https://dap-news.com/wp-content/uploads/2023/01/photo_2023-01-03_13-58-49-1024x767.jpg)
នៅពេលដែលត្រូវបានសាកសួរដោយក្រុមអ្នកកាសែត នៅឯសេតវិមានលោកប្រធានាធិបតី Joe Biden បានឆ្លើយតបភ្លាមៗហើយខ្លីថា នឹងមិនមានទេគឺមិនមានការពិភាក្សាណាមួយបានកើតឡើង នៅឡើយពីព្រោះថា លោកទើប
តែបញ្ចប់រដូវវិស្សមកាល របស់ខ្លួនពីដែនកោះ Virgin island ។
គួរឲ្យដឹងដែរថាកាលពីមុននេះលោក Yoon បានថ្លែងនៅក្នុងបទសំភាសជាមួយនឹងកាសែត ក្នុងស្រុកដែលបានចេញផ្សាយ កាលពីថ្ងៃចន្ទថាសមយុទ្ធដែលមានឈ្មោះថា ត្រៀមខ្លួនសម្រាប់សង្គ្រាមឬ War Preparation បន្ទាប់ពី មានការធ្វើ តេស្តមីស៊ីលជាច្រើនលើកច្រើនសាពីសំណាក់ប្រទេសកូរ៉េខាងជើង នោះនឹងត្រូវធ្វើឡើងឆាប់ៗនេះជាមួយ នឹងដៃគូសហរដ្ឋអាមេរិក៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)