KHARKIV៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែមករា ឆ្នាំ២០២៣ថា លោក Dmytro Kuleba រដ្ឋមន្ត្រីការបរទេសអ៊ុយក្រែន នៅថ្ងៃអង្គារ ទី១០ ខែមករា បានឲ្យដឹងថា ការបដិសេធរបស់អាល្លឺម៉ង់ ក្នុងការបញ្ជូនរថពាសដែកប្រយុទ្ធ ទៅកាន់ប្រទេសរបស់លោក គឺបានធ្វើឱ្យបាត់បង់ជីវិត ខណៈដែលអ្នកការទូតកំពូល របស់ក្រុងប៊ែរឡាំង បានប្តេជ្ញាគាំទ្របន្ថែមទៀត ក្នុងអំឡុងពេលទស្សនកិច្ចដ៏គួរឱ្យភ្ញាក់ផ្អើលមួយ ។
ដំណើរទស្សនកិច្ច របស់រដ្ឋមន្ត្រីការបរទេសអាល្លឺម៉ង់ Annalena Baerbock ធ្វើឡើងតែប៉ុន្មានថ្ងៃបន្ទាប់ពីអធិការបតី Olaf Scholz បានយល់ព្រមផ្តល់ដល់យានជំនិះថ្មើរជើង របស់អ៊ុយក្រែន Marder ដែលស្វែងរកយូរយារណាស់មកហើយ ដោយក្រុង គៀវ ក្នុងការប្រយុទ្ធប្រឆាំង នឹងការឈ្លានពានរបស់រុស្ស៊ី ។
ប៉ុន្តែរហូតមកដល់ពេលនេះ ក្រុងប៊ែរឡាំងបានបដិសេធ មិនផ្គត់ផ្គង់ដល់អ៊ុយក្រែននូវរថពាសដែក ប្រយុទ្ធខ្លារខិនកម្រិតខ្ពស់ជាងនេះទេ ។ លោក Kuleba ដែលអមដំណើរដោយលោកស្រី Baerbock ក្នុងអំឡុងពេល ដំណើរទស្សនកិច្ចរបស់លោកស្រី ទៅកាន់ទីក្រុង Kharkiv ភាគខាងកើត បានសង្កត់ប្រទេសអាល្លឺម៉ង់ម្តងទៀត ឱ្យបញ្ជូនរថពាសដែកទាំងនោះមក ។
លោកបានបន្តថា “ការសម្រេចចិត្តកាន់តែយូរជាងនេះ មនុស្សនឹងស្លាប់កាន់តែច្រើន” ។
“ខ្ញុំមិនមានការងឿងឆ្ងល់ទេ ដែលអ៊ុយក្រែន នឹងទទួលបានរថពាសដែក Leopard របស់អាល្លឺម៉ង់ ។ ខ្ញុំគិតថា រដ្ឋាភិបាលអាល្លឺម៉ង់ នៅកន្លែងណាមួយ ដែលយល់ច្បាស់ថា ការសម្រេចចិត្តនេះនឹងត្រូវបានធ្វើឡើង ហើយរថពាសដែក នឹងត្រូវផ្ទេរទៅអ៊ុយក្រែន” ៕ ប្រែសម្រួលដោយ៖ ម៉ៅ បុប្ផាមករា
