គៀវ ៖ លោក Ilya Ponomarev ឥស្សរជនប្រឆាំងរុស្ស៊ី កំពុងនិរទេសខ្លួន ដែលជាសមាជិកតែមួយគត់ នៃសភារុស្ស៊ី ដែលបោះឆ្នោតប្រឆាំង នឹងការបញ្ចូលតំបន់គ្រីមេរបស់ក្រុងមូស្គូ ក្នុងឆ្នាំ ២០១៤ នោះបានលើកឡើងថាលោក វ្ល៉ាឌីមៀ ពូទីន នឹងមិនមានវត្តមាននៅឆ្នាំក្រោយនោះទេ ។
លោក Ponomarev ជាសមាជិក នៃរដ្ឋ Duma របស់រុស្ស៊ីពីឆ្នាំ២០០៧ ដល់ឆ្នាំ២០១៦ ប៉ុន្តែឥឡូវនេះមានមូលដ្ឋាន នៅប្រទេសអ៊ុយក្រែន ដែលឥឡូវនេះលោកទទួលបានសញ្ជាតិ និងកំពុងដឹកនាំចលនាប្រឆាំង ដែលលោកសង្ឃឹមថា នឹងផ្លាស់ប្តូរប្រទេសរុស្ស៊ី ទៅជាលទ្ធិប្រជាធិបតេយ្យ។
តាមទស្សនៈរបស់លោក ការប្រកាសរបស់លោក ពូទីន ដែលថាលោកបានបញ្ចូលទឹកដីអ៊ុយក្រែន ដែលរុស្ស៊ី មិនអាចគ្រប់គ្រងបានពេញលេញ ក៏ដូចជាការបរាជ័យ ដូចជាការផ្លាស់ប្តូរដែលបរាជ័យលើទីក្រុងគៀវ និងការដកខ្លួនចេញ ពីតំបន់ Kherson និង Kharkiv។
លោក Ponomarev បានប្រាប់ Newsweek ពីទីក្រុងគៀវ ថា “អំណាចរបស់លោក ពូទីន ស្ថិតនៅក្នុងតួនាទី របស់លោកជាបុរសអាល់ហ្វា ក្នុងនាមជាមនុស្ស ដែលមិនអាចឈ្នះបាន ។ ឆ្នាំ២០២២ គឺជាឆ្នាំដែលតំណែងនេះចាប់ផ្តើមធ្លាក់ចុះ ។ ការព្យាករណ៍របស់ខ្ញុំ នៅតែថា លោក ពូទីន នឹងមិនប្រារព្ធថ្ងៃខួបកំណើត បន្ទាប់របស់លោក” ដែលមានអាយុ ៧១ឆ្នាំ នៅថ្ងៃទី ៧ ខែតុលា ឆ្នាំ២០២៤ឡើយ ។
លោក Ponomarev បានលើកឡើងថា “ក្តីសុបិន្តផ្ទាល់ខ្លួនរបស់ខ្ញុំច្បាស់ណាស់ គឺចង់ឃើញ លោក ពូទីន នៅទីក្រុងឡាអេ ប៉ុន្តែខ្ញុំមិនគិតថា លោកនឹងធ្វើវានោះទេ” ។ “អ្នកដែលនៅជុំវិញលោក ពូទីន នឹងមិនអនុញ្ញាត ឱ្យលោកទៅទីក្រុងឡាអេនោះទេ ព្រោះចុងក្រោយរបស់លោក ពូទីន អាចនឹងមានគ្រោះថ្នាក់ខ្លាំងណាស់សម្រាប់ពួកគេ” ហើយថា “គាត់នឹងត្រូវគេសម្លាប់”៕
ប្រែសម្រួល ឈូក បូរ៉ា
