ឡូសអ៊ែនជីឡេស៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១៧ ខែមករា ឆ្នាំ២០២៣ថា ប្រព័ន្ធផ្សព្វផ្សាយក្នុងស្រុក បានរាយការណ៍ថា មនុស្សចំនួន ៦នាក់បានស្លាប់ នៅក្នុងការបាញ់ប្រហារគ្នា នៅកណ្តាលរដ្ឋកាលីហ្វ័រនីញ៉ា សហរដ្ឋអាមេរិក កាលពីព្រឹកថ្ងៃចន្ទ ។
KFSN-TV ដែលជាស្ថានីយ៍ទូរទស្សន៍មួយ នៅកណ្តាលរដ្ឋកាលីហ្វ័រនីញ៉ា បានរាយការណ៍ថា ជនរងគ្រោះ២នាក់ ក្នុងចំណោមជនរងគ្រោះ នៃការបាញ់ប្រហារនៅ Goshen ក្នុងតំបន់ Tulare គឺជាម្តាយអាយុ១៧ឆ្នាំនិងទារកអាយុ៦ខែ ។
ការិយាល័យតម្រួតតំបន់ Tulare បានឲ្យដឹងនៅក្នុងការចេញផ្សាយនៅលើទំព័រ Facebook របស់ខ្លួនថា អ្នកតំណាងត្រូវបានហៅទៅផ្ទះមួយនៅប្លុក 6800 នៃផ្លូវប្រមូលផលនៅ Goshen បន្ទាប់ពីម៉ោង ៣និង៣០នាទីព្រឹកថ្ងៃចន្ទ ម៉ោងក្នុងស្រុកដែលមានការ បាញ់ប្រហារជាច្រើនគ្រាប់ ។
ការិយាល័យតម្រួតមិនបាន ផ្តល់ព័ត៌មានលម្អិតនៅក្នុង ការចេញផ្សាយនោះទេ ។ ទីភ្នាក់ងារនេះគ្រាន់តែឲ្យដឹងថា ខ្លួនកំពុងស៊ើបអង្កេតការបាញ់ប្រហារនេះ ហើយនឹងធ្វើបច្ចុប្បន្នភាពការបាញ់ប្រហារនេះ បន្ទាប់ពីពួកគេទទួលបានព័ត៌មានបន្ថែម។
របាយការណ៍របស់ទូរទស្សន៍ KFSN-TV បានផ្សាយថា ភ្លាមៗនោះ អ្នកតំណាងរាស្ត្របានកត់សម្គាល់ ឃើញជនរងគ្រោះ ២នាក់បានស្លាប់នៅតាមផ្លូវ ហើយបន្ទាប់មកមានម្នាក់ទៀតនៅមាត់ទ្វារផ្ទះ បន្ទាប់ពីពួកគេបានទៅដល់កន្លែងនោះ ។
អ្នកតំណាងរាស្រ្តបានរកឃើញ ជនរងគ្រោះសរុបចំនួន៦នាក់ ។ ពួកគេ៥នាក់ត្រូវបានគេប្រកាសថា ស្លាប់នៅកន្លែងកើតហេតុ ហើយម្នាក់ទៀតបានស្លាប់នៅមន្ទីរពេទ្យ ។
អាជ្ញាធរជឿជាក់ថា មានជនសង្ស័យយ៉ាងហោច ២នាក់នៅពេលបាញ់ប្រហារនេះ ។ របាយការណ៍បានឲ្យដឹងទៀតថា ពួកគេមិនជឿថា នេះជាទង្វើចៃដន្យទេ ហើយថាមានការទាក់ទងនឹងក្រុមក្មេងទំនើង ៕
ប្រែសម្រួលដោយ៖ ម៉ៅ បុប្ផាមករា
