AUCKLAND៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២១ ខែមករា ឆ្នាំ២០២៣ថា លោក Chris Hipkins ដែលបានដើរតួយ៉ាងសំខាន់ក្នុងការឆ្លើយតបរបស់ប្រទេសណូវែលសេឡង់ ចំពោះការរាតត្បាតនៃជំងឺរាតត្បាតជំងឺកូវីដ-១៩ គ្រោងនឹងជំនួសលោកស្រី Jacinda Ardern ជានាយករដ្ឋមន្ត្រីបន្ទាប់ពីបានលេចមុខនៅថ្ងៃសៅរ៍នេះ ជាបេក្ខជនតែមួយគត់ដែលត្រូវបានតែងតាំងឱ្យដឹកនាំគណបក្សការងារដែលកំពុងកាន់អំណាច ។
លោក Hipkins វ័យ៤៤ឆ្នាំត្រូវបានគេរំពឹងថា នឹងត្រូវបានបញ្ជាក់ជាមេដឹកនាំថ្មីនៅក្នុងកិច្ចប្រជុំនៃសមាជិកសភាលើកទី៦៤ របស់គណបក្ស Labour ឬ Caucus នៅថ្ងៃអាទិត្យ ។
លោក Hipkins បានប្រាប់ដល់សន្និសីទសារព័ត៌មានបន្ទាប់ពីគណបក្សនេះបានប្រកាសថា គាត់ជាបេក្ខជនតែមួយគត់ថា “ខ្ញុំគិតថា យើងជាក្រុមខ្លាំងមិនគួរឱ្យជឿ” ។
“យើងបានឆ្លងកាត់ដំណើរការនេះដោយឯកភាព ហើយយើងនឹងបន្តធ្វើការងារនេះ។ ខ្ញុំពិតជាមានសំណាងណាស់ដែលបានធ្វើការជាមួយក្រុមមនុស្សដ៏អស្ចារ្យ ដែលមានការប្តេជ្ញាចិត្តពិតប្រាកដចំពោះសេវាកម្មប្រជាជនណូវែលសេឡង់” ។
លោក Hipkins នឹងមិនត្រូវបានបញ្ជាក់លើផែនការគោលនយោបាយរបស់គាត់នោះទេ។ លោកបានលើកឡើងថា ការរុះរើគណៈរដ្ឋមន្ត្រីដែលស្នើឡើងដោយលោកស្រី Ardern នឹងដំណើរការទៅមុខ ប៉ុន្តែរដ្ឋមន្ត្រីហិរញ្ញវត្ថុ Grant Robertson ទំនងជានឹងបន្តនៅក្នុងតួនាទីនេះ ៕
ប្រែសម្រួលដោយ៖ ម៉ៅ បុប្ផាមករា
