ក្រិក៖ ប្រទេសក្រិក បានអង្វរសុំជំនួយពីប្រទេសជិតខាងសហភាពអឺរ៉ុប និងចក្រភពអង់គ្លេសក្នុងការដោះស្រាយចំនួនជនចំណាកស្រុកដែលព្យាយាមរកសុវត្ថិភាព នេះបើយោងតាមការចុះផ្សាយរបស់ទីភ្នាក់ងារសារព័ត៌មាន The National។
ប្រទេសនេះកំពុងពង្រីកជញ្ជាំងព្រំដែន ដែលខ្លួនសង្ឃឹមថានឹងរារាំងជនចំណាកស្រុកមួយចំនួន ប៉ុន្តែនិយាយថាខ្លួនក៏ចង់បានជំនួយពីប្រទេសផ្សេងទៀតនៅក្នុងសហភាពអឺរ៉ុបដែរ។
រដ្ឋមន្ត្រីការពារពលរដ្ឋលោក Takis Theodorikakos បានឲ្យដឹងថា ប្រទេសក្រិកបានរារាំងជនចំណាកស្រុកប្រហែល ២៦ម៉ឺន នាក់មិនឱ្យចូលប្រទេសក្នុងឆ្នាំ២០២២ និងបានចាប់ខ្លួនអ្នកជួញដូរចំនួន ១៥០០ នាក់ ។
មេក្រុមរត់ពន្ធជនជាតិឃឺដ ដែលរត់ពន្ធត្រូវបានចាប់ខ្លួន ត្រឡប់ទៅចក្រភពអង់គ្លេសវិញ។ លោកចង់ឱ្យបណ្ដាប្រទេសអឺរ៉ុប និងចក្រភពអង់គ្លេសជួយដល់ប្រទេសជាប់ព្រំដែន ដែលរួមមានប្រទេស Cyprus និងអ៊ីតាលី នោះគឺជាច្រកចូលអឺរ៉ុប ជាលើកដំបូង សម្រាប់ជនចំណាកស្រុក ដែលខ្លះជិះទូកឆ្លងកាត់សមុទ្រមេឌីទែរ៉ាណេពីអាហ្វ្រិកខាងជើង៕
ប្រែសម្រួល ឈូក បូរ៉ា
