ស្ដុកហូម ៖ ក្រុមអ្នកវិភាគ បានឲ្យដឹងថា ភាពតានតឹងចុងក្រោយបំផុត រវាងតួកគី និងស៊ុយអែត ជុំវិញការតវ៉ានាពេលថ្មីៗនេះ ក្នុងទីក្រុងស្ដុកហូម រួមទាំងការដុតច្បាប់ចម្លង នៃគម្ពីគូរ៉ា អាចសម្របសម្រួលការដេញ ថ្លៃចូលជាសមាជិកអង្គការណាតូ របស់ស៊ុយអែត ។
ប្រធានាធិបតីតួកគីលោក Recep Tayyip Erdogan បានព្រមានកាលពីថ្ងៃច័ន្ទថា ស៊ុយអែតមិនគួររំពឹងថា នឹងមានការគាំទ្រពីតួកគី សម្រាប់សមាជិកភាព របស់អង្គការណាតូនោះទេ ពីរថ្ងៃបន្ទាប់ពីច្បាប់ចម្លង នៃសៀវភៅបរិសុទ្ធមូស្លីម ត្រូវបានដុតដោយក្រុមបាតុករស្តាំនិយម នៅរដ្ឋធានីស្ដុកហូម ដែលជាទង្វើមួយ ដែលបានធ្វើឱ្យទីក្រុង អង់ការ៉ាខឹងសម្បារ។
លោក Erdogan បានឲ្យដឹង បន្ទាប់ពីកិច្ចប្រជុំគណៈរដ្ឋមន្ត្រីថា “អ្នកដែលអនុញ្ញាតឱ្យមានការប្រមាថ បែបនេះនៅមុខស្ថានទូត របស់យើងមិនអាចរំពឹងថានឹងមានការគាំទ្ររបស់យើង សម្រាប់សមាជិកភាពណាតូ របស់ពួកគេទៀតទេ” ។
ប្រទេសស៊ុយអែត និងហ្វាំងឡង់ បានដាក់ពាក្យកាលពីឆ្នាំមុន ដើម្បីចូលរួមសម្ព័ន្ធភាពយោធា បន្ទាប់ពីជម្លោះរុស្ស៊ី-អ៊ុយក្រែន ។ ការចូលជាសមាជិកអង្គការណាតូ ត្រូវការការយល់ព្រមពីរដ្ឋសមាជិក ទាំងអស់នៃសម្ព័ន្ធមិត្តយោធា ។
តួកគី សមាជិក ណាតូ បានរារាំងការដេញថ្លៃ របស់ពួកគេ និងបានជំរុញឱ្យស៊ុយអែត ជាពិសេសប្រកាន់ជំហរ ច្បាស់លាស់ប្រឆាំង នឹងក្រុមដែលខ្លួន ចាត់ទុកថាជាភេរវករ ភាគច្រើនជាពួកសកម្មប្រយុទ្ធឃឺដ ដែលតួកគីអះអាងថា បានរកឃើញជម្រកសុវត្ថិភាព នៅក្នុងប្រទេសស៊ុយអែត។
អ្នកសង្កេតការណ៍តួកគី ជាច្រើនជឿថា តួកគី ដែលជាប្រទេសមូស្លីមភាគច្រើន បានបិទទ្វារ ដើម្បីផ្តល់សច្ចាប័ន លើការដេញថ្លៃ Nordic សម្រាប់អនាគតដ៏ខ្លីខាងមុខ យ៉ាងហោចណាស់រហូតដល់ការបោះឆ្នោតសកល បន្ទាប់នៅតួកគី ដែលបានគ្រោង ទុកសម្រាប់ខែមិថុនា៕
ប្រែសម្រួល ឈូក បូរ៉ា
