ធ្លាក់យន្តហោះ យោធារបស់ក្រិច នៅភាគខាងលិចប្រទេស

អាតែន៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី៣០ ខែមករា ឆ្នាំ២០២៣ថា នៅថ្ងៃចន្ទនេះ មានករណីធ្លាក់យន្តហោះយោធារបស់ប្រទេសក្រិចនៅភាគខាងលិចប្រទេស ។

ទូរទស្សន៍ជាតិក្រិក ERT បានរាយការណ៍ថា យន្តហោះ២កៅអីរបស់កងទ័ពអាកាសក្រិចបានធ្លាក់នៅឆ្នេរសមុទ្រភាគខាងលិចនៃប្រទេសក្រិក នៅថ្ងៃចន្ទនេះ ។

ប្រតិបត្តិការស្វែងរក និងជួយសង្គ្រោះកំពុងដំណើរការដើម្បីកំណត់ទីតាំងរបស់ពីឡុត និងសហពីឡុតយន្តហោះចម្បាំង F-4 Phantom ។

ឧប្បត្តិហេតុនេះបានកើតឡើងនៅក្នុងអំឡុងពេលហោះហើរហ្វឹកហាត់នៅជិតអាកាសយានដ្ឋាន Andravida Military នៅលើឧបទ្វីប Peloponnese ៕ប្រែសម្រួលដោយ៖ ម៉ៅ បុប្ផាមករា