ព្រុចសែល៖ គណៈកម្មការអឺរ៉ុប បានបង្ហាញផែនការរបស់ខ្លួន ដើម្បីឆ្លើយតបទៅនឹង បញ្ហាប្រឈម ដែលបង្កឡើងដោយច្បាប់ កាត់បន្ថយអតិផរណា របស់សហរដ្ឋអាមេរិក (IRA) និងបន្តការប្រណាំងប្រជែង ទូទាំងពិភពលោក នៅក្នុងគម្រោងឧបត្ថម្ភធន សម្រាប់ឧស្សាហកម្មបៃតង។
ប្រធានគណៈកម្មការអឺរ៉ុបលោក Ursula von der Leyen បាននិយាយនៅពេលបង្ហាញផែនការ ឧស្សាហកម្ម Green Deal នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ ។
ផែនការនេះ ត្រូវបានបង្កើតឡើង នៅលើសសរស្តម្ភចំនួន៤៖ បរិយាកាសបទប្បញ្ញត្តិអំណោយផល សម្រាប់ឧស្សាហកម្មសុទ្ធសូន្យ ការផ្តល់មូលនិធិជាតិ និងសហភាពអឺរ៉ុប ការធានានូវជំនាញត្រឹមត្រូវ សម្រាប់ការផ្លាស់ប្តូរបៃតង និងរបៀបវារៈពាណិជ្ជកម្ម ប្រកបដោយមហិច្ឆតា។
វាត្រូវបានរចនាឡើង ដើម្បីបន្ធូរបន្ថយការរឹតបន្តឹង លើជំនួយរបស់រដ្ឋ និងដោះសោការផ្តល់ហិរញ្ញប្បទាន ឯកជនដ៏ធំសម្រាប់ផលិតកម្ម បច្ចេកវិទ្យាស្អា តនៅក្នុងសហភាពអឺរ៉ុប។
ដល់ទីបញ្ចប់នេះ គណៈកម្មការអឺរ៉ុប នឹងត្រូវពិគ្រោះយោបល់ ជាមួយបណ្តាប្រទេស សហភាពអឺរ៉ុប ដើម្បីកែប្រែក្របខ័ណ្ឌ ជំនួយរដ្ឋបច្ចុប្បន្ន រួមទាំងការបង្កើនកម្រិតជូនដំណឹង សម្រាប់ការគាំទ្រការវិនិយោគបៃតង។
លោក Margrethe Vestager អនុប្រធានប្រតិបត្តិនៃគណៈកម្មាការ និងជាស្នងការ សម្រាប់ការប្រកួតប្រជែង បានព្រមានថា វិសោធនកម្មដែលបានស្នើឡើងគួរតែជាបណ្តោះអាសន្ន កំណត់គោលដៅយ៉ាងល្អក្នុងទំហំ និងវិសាលភាព និងកំពុងរង់ចាំអត្ថប្រយោជន៍ ពិតប្រាកដ៕
ប្រែសម្រួល ឈូក បូរ៉ា
