ព្រុចសែល៖ ការលុកលុយទ្រង់ទ្រាយធំរបស់រុស្ស៊ីលើអ៊ុយក្រែន ដែលបានចាប់ផ្តើមកាលពីមួយឆ្នាំមុន បានផ្លាស់ប្តូរអឺរ៉ុបយឡាងខ្លាំង។ វាបានកំណត់ក្នុងការផ្លាស់ប្តូរធាតុអាកាសក្នុងទំនាក់ទំនងនយោបាយ និងសេដ្ឋកិច្ច រំខានដល់ទីផ្សារថាមពល និងការបន្តខ្សែសង្វាក់ផ្គត់ផ្គង់ដែលមានស្រាប់។ វាបានប្រឈមមុខនឹងស្នូលនៃគម្រោងសន្ដិភាពអឺរ៉ុបក្រោយសង្គ្រាមលោកលើកទីពីរ។
ការវាយប្រហារដ៏ឃោរឃៅលើអ៊ុយក្រែន បានធ្វើឱ្យមានការរំជើបរំជួលជាពិសេស សម្រាប់អឺរ៉ុបខាងកើត ដែលមានការចងចាំថ្មីៗអំពីអរិភាព និងការកាន់កាប់របស់រុស្ស៊ី។ នេះពន្យល់ថា ហេតុអ្វីបានជាមានការគាំទ្រយ៉ាងសំខាន់នៅក្នុងតំបន់សម្រាប់ការដាក់ទណ្ឌកម្មធ្ងន់ធ្ងរលើប្រទេសរុស្ស៊ី ជំនួយហិរញ្ញវត្ថុ យោធា និងមនុស្សធម៌សម្រាប់អ៊ុយក្រែន ការពង្រឹងផ្នែកខាងកើតរបស់អង្គការណាតូ និងការស្វាគមន៍យ៉ាងកក់ក្តៅ សម្រាប់ជនភៀសខ្លួនអ៊ុយក្រែនរាប់លាននាក់។
យ៉ាងណាក៏ដោយ មានប្រទេសមួយចំនួននៅអឺរ៉ុបខាងកើត ដែលនៅតែរក្សាការអាណិតអាសូរចំពោះរុស្ស៊ី ទោះបីជាបានប្រឈមមុខនឹងការឈ្លានពានរបស់រុស្ស៊ីកាលពីអតីតកាលក៏ដោយ។ ស្លូវ៉ាគី ប៊ុលហ្គារី និងហុងគ្រីបានលេចធ្លោជាងឆ្នាំមុន ជាពិសេសគាំទ្ររុស្ស៊ីក្នុងអាកប្បកិរិយារបស់ពួកគេ។
ការស្ទង់មតិនៅខែកញ្ញា ដែលធ្វើឡើងនៅប្រទេសស្លូវ៉ាគី បង្ហាញថា ពលរដ្ឋស្លូវ៉ាគីភាគច្រើននឹងស្វាគមន៍ជ័យជម្នះយោធារុស្ស៊ីលើអ៊ុយក្រែន។ នៅក្នុងការស្ទង់មតិមួយផ្សេងទៀត ដែលបានធ្វើឡើងនៅក្នុងខែឧសភា មានតែ ៣៣ភាគរយនៃជនជាតិប៊ុលហ្គារី និង ៤៥ភាគរយនៃជនជាតិហុងគ្រី)បានយល់ឃើញថា ប្រទេសរុស្ស៊ីជាការគំរាមកំហែង។
ហុងគ្រី ស្លូវ៉ាគី និងប៊ុលហ្គារី ក៏មានទំនោរបង្ហាញការគាំទ្រខ្សោយបំផុតនៅក្នុងតំបន់សម្រាប់ការដាក់ទណ្ឌកម្មរបស់សហភាពអឺរ៉ុបប្រឆាំងនឹងរុស្ស៊ី នេះបើយោងតាមការស្ទង់មតិ Eurobarometer ដែលធ្វើឡើងនៅរដូវស្លឹកឈើជ្រុះឆ្នាំ២០២២។
អាកប្បកិរិយាទាំងនេះត្រូវបានឆ្លុះបញ្ចាំងនៅក្នុងគោលនយោបាយរបស់រដ្ឋាភិបាល និងវោហាសាស្ត្រ។ ប៊ុលហ្គារី និងហុងគ្រី គឺជាសមាជិកណាតូ និងសហភាពអឺរ៉ុបតែមួយគត់ ដែលបានបដិសេធជាផ្លូវការក្នុងការប្រគល់អាវុធទៅឱ្យអ៊ុយក្រែន ដោយបានបន្លឺឡើងនូវជំនឿដ៏ពេញនិយមថា ការធ្វើដូច្នេះនឹងទាញប្រទេសទាំងនេះចូលទៅក្នុងជម្លោះ។ រដ្ឋាភិបាលមុនរបស់ប៊ុលហ្គារីត្រូវផ្តល់ដោយសម្ងាត់ដល់ទីក្រុងគៀវ នូវគ្រាប់រំសេវ និងប្រេងឥន្ធនៈ ដោយលាក់បាំងការពិតពីសាធារណជន៕ប្រែសម្រួល ឈូក បូរ៉ា
