គ៊ែរ ៖ មេដឹកនាំ និងមន្ត្រីជាន់ខ្ពស់ នៃរដ្ឋសម្ព័ន្ធអារ៉ា កាលពីថ្ងៃអាទិត្យបានថ្កោលទោស សកម្មភាព “ឯកតោភាគី” របស់អ៊ីស្រាអែល នៅក្នុងទីក្រុងយេរ៉ូសាឡឹម និងតំបន់វេសប៊ែរ ដែលអ៊ីស្រាអែលកាន់កាប់ ។
ថ្លែងនៅឯទីស្នាក់ការកណ្តាល របស់អង្គការនៅទីក្រុងគែរ មេដឹកនាំទាំងអស់បានឲ្យដឹងថា ការពង្រីកការតាំង ទីលំនៅរបស់អ៊ីស្រាអែល នៅតំបន់ វេសប៊ែង ដែលកាន់កាប់ និងការវាយកម្ទេចផ្ទះ របស់ពលរដ្ឋប៉ាឡេស្ទីន អាចមានផលវិបាក ដែលប៉ះពាល់ដល់តំបន់ទាំងមូល ។
កិច្ចប្រជុំនេះត្រូវបានធ្វើឡើង បន្ទាប់ពីមានការកើនឡើង នៃអំពើហិង្សារវាងអ៊ីស្រាអែល និងប៉ាឡេស្ទីន នៅតំបន់វេសប៊ែរ និងយេរ៉ូសាឡឹមខាងកើត ក្នុងរយៈពេលមួយឆ្នាំកន្លងមក ដោយជនជាតិប៉ាឡេស្ទីនយ៉ាងហោចណាស់ ៤៥ នាក់ត្រូវបានសម្លាប់ជន ជាតិអ៊ីស្រាអែលចំនួន១០ នាក់ក្នុងឆ្នាំនេះ។
អ៊ីស្រាអែល មានផែនការវិធានការ សន្តិសុខយ៉ាងតឹងរ៉ឹង បន្ទាប់ពីការវាយប្រហារដ៏សាហាវ ប្រធានាធិបតីអេហ្ស៊ីប លោក Abdel Fattah El Sisi ស្ដេច Abdullah II នៃប្រទេសហ្ស៊កដានី និងប្រធានាធិបតីប៉ាឡេស្ទីនលោក Mahmoud Abbas បានចូលរួមក្នុងកិច្ចប្រជុំនេះ រួមជាមួយនឹងរដ្ឋមន្ត្រីការបរទេស និងមន្ត្រីជាន់ខ្ពស់មកពីរដ្ឋសមាជិកដទៃទៀត ។
មេដឹកនាំបានបន្តការគាំទ្ររបស់ពួកគេ ចំពោះតួនាទីប្រពៃណីរបស់ហ្ស៊កដានី ក្នុងនាមជាអ្នកថែរក្សាវិហារអ៊ីស្លាម Al Aqsa ដែលជាកន្លែងពិសិដ្ឋបំផុតទី៣ របស់សាសនាអ៊ីស្លាម ដែលត្រូវបានសាងសង់នៅលើកំពូលភ្នំ ក្នុងទីក្រុងចាស់ របស់យេរ៉សាឡឹម ដែលជាកន្លែងពិសិដ្ឋបំផុតសម្រាប់ជនជាតិយូដា និងសម្រាប់ដំណោះស្រាយរដ្ឋពីរ ចំពោះជម្លោះអ៊ីស្រាអែលនិងប៉ាឡេស្ទីន ៕
