បរទេស ៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានឲ្យដឹងថា យោធារបស់ប្រទេសអ៊ុយក្រែន សរុប១០៥នាក់ កំពុងចាប់ផ្តើមធ្វើការហ្វឹកហាត់ ការប្រើប្រាស់ រថក្រោះប្រភេទ Leopard 2 ហើយនៅក្នុងប្រទេសប៉ូឡូញ។
មេបញ្ជាការជាន់ខ្ពស់ របស់ប្រទេសអ៊ុយក្រែនម្នាក់ បានអះអាងថា គិតមកដល់ពេលនេះ ក្រុមអ្នកបើកបររថក្រោះ ចំនួន២១នាក់ ព្រមទាំងយោធាជំនាញ បច្ចេកទេស និងជួសជុលរថក្រោះ សរុបបាននឹងកំពុងហ្វឹកហាត់ នៅប៉ូឡូញអស់រយៈពេលមួយ សប្តាហ៍មកហើយ។
មន្ត្រីយោធារូបនេះ បានបញ្ជាក់ទៀតថា នៅប៉ូឡូញកងកម្លាំងយោធាអ៊ុយក្រែន ទាំងអស់បានធ្វើការហ្វឹកហាត់ សមការប្រើប្រាស់ Leopard 2 ដែលជារថក្រោះប៉ូឡូញ ប្រមាណជា១០ទៅ១២ម៉ោងក្នុងមួយថ្ងៃហើយម៉ូដេលនេះក៏ត្រូវបានសន្យាផ្គត់ផ្គង់ ឲ្យពីសំណាក់ប្រទេសកាណាដា ផងដែរ។
លោកបន្តថា ការហ្វឹកហាត់នឹងអាចអូសបន្លាយ រយៈពេលសរុបជាង១ខែហើយជឿជាក់ថា នឹងក្រុមកងកម្លាំងយោធាបន្ថែមថ្មីៗ ជាច្រើនទៀតនឹង ត្រូវធ្វើដំណើរមកលដល់ប្រទេស ប៉ូឡូញផងដែរ៕
ប្រែសម្រួល៖ស៊ុនលី
