ម៉ូស្គូ៖ អ៊ុយក្រែន កំពុងរៀបចំផែនការរៀបចំឧប្បត្តិហេតុនុយក្លេអ៊ែរនៅលើទឹកដីរបស់ខ្លួន ដើម្បីទម្លាក់កំហុសលើក្រុងម៉ូស្គូមុនកិច្ចប្រជុំអង្គការសហប្រជាជាតិដ៏សំខាន់ ដែលរុស្ស៊ីបានចោទប្រកាន់ដោយមិនបានផ្តល់ភស្តុតាង។
ក្រសួងការពារជាតិរុស្ស៊ីបានឲ្យដឹងនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា សារធាតុវិទ្យុសកម្មត្រូវបាន ដឹកជញ្ជូនទៅកាន់ប្រទេសអ៊ុយក្រែនពីប្រទេសអឺរ៉ុប ដែលមិនបញ្ចេញឈ្មោះ ហើយទីក្រុងគៀវ កំពុងរៀបចំ “ការបង្កហេតុ” ទ្រង់ទ្រាយធំ។
ប្រភពបានឲ្យដឹងថា “គោលបំណងនៃការញុះញង់គឺដើម្បីចោទប្រកាន់កងទ័ពរបស់រុស្ស៊ីថាបានធ្វើការវាយប្រហារដោយមិនរើសអើងលើទីតាំងវិទ្យុសកម្មដែលមានគ្រោះថ្នាក់នៅក្នុងអ៊ុយក្រែន ដែលនាំឱ្យមានការលេចធ្លាយសារធាតុវិទ្យុសកម្ម និងការបំពុល ក្នុងតំបន់”។
រុស្ស៊ីបានចោទប្រកាន់ក្រុងគៀវម្តងហើយម្តងទៀតពីការរៀបចំផែនការប្រតិបត្តិការ “ទង់ជាតិក្លែងក្លាយ” ជាមួយអាវុធមិនធម្មតាដោយប្រើសារ ធាតុជីវសាស្ត្រ ឬវិទ្យុសកម្ម គ្មានការវាយប្រហារបែបនេះបានកើតឡើងនោះទេ។
អ៊ុយក្រែន និងសម្ព័ន្ធមិត្តរបស់ខ្លួនបានច្រានចោលការចោទប្រកាន់ថា ជាការប៉ុនប៉ងឃោរឃៅក្នុងការផ្សព្វផ្សាយ ព័ត៌មានមិនពិត ហើយបានចោទប្រកាន់ទីក្រុងមូស្គូ ពីការរៀបចំឧប្បត្តិហេតុដោយខ្លួនឯងក្នុងគោល បំណងបន្ទោសអ៊ុយក្រែន៕
