ប៉េកាំង ៖ សភាប្រជាជនជាតិ (NPC) ដែលជាស្ថាប័ននីតិប្បញ្ញត្តិកំពូលរបស់ប្រទេសចិន បានថ្កោលទោសព្រឹទ្ធសភាសហរដ្ឋអាមេរិក ចំពោះការអនុម័ត ដំណោះស្រាយ ដែលបំភាន់ “ការគំរាមកំហែងរបស់ចិន” និងអាក្រក់ និង បង្ខូចកេរ្តិ៍ឈ្មោះចិន បន្ទាប់ពីការចូល ដោយអចេតនា នៃបាឡុងស៊ីវិលគ្មានមនុស្សរបស់ចិន ចូលទៅក្នុងដែន អាកាសសហរដ្ឋអាមេរិក ។
គណៈកម្មាធិការកិច្ចការបរទេស NPC បានឲ្យដឹង នៅក្នុងសេចក្តីថ្លែងការណ៍មួយថា ព្រឹទ្ធសភាសហរដ្ឋអាមេរិក បានធ្វើតាមសភាតំណាង ក្នុងការអនុម័តសេចក្តីសម្រេចលើនាវាអាកាស ដោយហៅការផ្លាស់ប្តូរនេះថា ជាកំហុសមួយទៀត ដែលសហរដ្ឋអាមេរិក បានធ្វើដើម្បីបំភ្លៃការពិត បំភ័ន្តសាធារណជន និងប៉ុនប៉ងដាក់សម្ពាធលើប្រទេសចិន ។
សេចក្តីថ្លែងការណ៍បានឲ្យដឹងថា ក្នុងនាមជាប្រទេសសំខាន់ ដែលមានទំនួលខុសត្រូវ ប្រទេសចិនតែងតែគោរពច្បាប់អន្តរជាតិ យ៉ាងតឹងរ៉ឹង និងគោរពអធិបតេយ្យភាព និងបូរណភាពទឹកដីនៃប្រទេសទាំងអស់ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
ប្រភពបានឲ្យដឹងថា ការចូលទៅក្នុងដែនអាកាស នៃបាឡុងស៊ីវិលចិនដោយអចេតនា ចូលទៅក្នុងដែនអាកាស របស់សហរដ្ឋអាមេរិក គឺជាឧបទ្ទវហេតុ ដែលមិននឹកស្មានដល់ និងឯកោដែលបង្កឡើងដោយមហាឧបទ្ទវហេតុ ។ ភាគីចិនបានជូនដំណឹងម្តងហើយម្តងទៀតដល់សហរដ្ឋអាមេរិក និងសហគមន៍អន្តរជាតិ អំពីស្ថានភាព ហើយបានស្នើឱ្យភាគីអាមេរិក ដោះស្រាយបញ្ហានេះដោយស្ងប់ស្ងាត់ ប្រកប ដោយវិជ្ជាជីវៈ និងអត់ធ្មត់។
សេចក្តីថ្លែងការណ៍បានឲ្យដឹងទៀតថា ទោះជាយ៉ាងណាក៏ដោយ ភាគីសហរដ្ឋអាមេរិក បានបង្វែរត្រចៀកថ្លង់ ចំពោះជំហរដ៏ឧឡារិករបស់ចិន ដោយបានបំពានលើការប្រើប្រាស់កម្លាំង និងប្រតិកម្មហួសហេតុ រំលោភយ៉ាងធ្ងន់ធ្ងរដល់ស្មារតីនៃច្បាប់អន្តរជាតិ និងការអនុវត្តទំនៀមទម្លាប់។
សេចក្តីថ្លែងការណ៍បានឲ្យដឹងទៀតថា “សភាសហរដ្ឋអាមេរិកមានចេតនាបញ្ឆេះការប្រឈមមុខដាក់គ្នា បង្កើតភាពតានតឹង និងនយោបាយធ្វើឱ្យស្មុគស្មាញ និងពង្រីកឧប្បត្តិហេតុដែលមិននឹកស្មានដល់ និងឯកោ ដែលជាឧទាហរណ៍ធម្មតានៃអនុត្តរភាព”៕
ប្រែសម្រួល ឈូក បូរ៉ា
