ប៉េកាំង៖ ប្រទេសចិន បានអំពាវនាវឱ្យមាន កិច្ចខិតខំប្រឹងប្រែងអន្តរជាតិ ដើម្បីបង្កើតលក្ខខណ្ឌ សម្រាប់ការបន្តការចរចាសន្តិភាព ដើម្បីដោះស្រាយវិបត្តិអ៊ុយក្រែន នេះបេីយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ប្រទេសចិនកាលពីថ្ងៃសុក្របានចេញផ្សាយ ដែលបញ្ជាក់ពីជំហររបស់ខ្លួនលើដំណោះស្រាយនយោបាយនៃវិបត្តិអ៊ុយក្រែនដោយថា ការសន្ទនា និងការចរចាគឺជាដំណោះស្រាយដែលអាចសម្រេចបានតែមួយគត់ ចំពោះវិបត្តិអ៊ុយក្រែន។
ការអំពាវនាវរបស់ចិនបានធ្វើឡើងក្នុងខួបលើកដំបូងនៃជម្លោះរុស្ស៊ីនិងអ៊ុយក្រែន។ វិបត្តិនេះបានបណ្តាលឱ្យមានអ្នកស្លាប់ និងរបួសជាច្រើននាក់ ជម្លៀសប្រជាជនជាច្រើននាក់ ការប្រឈមមុខដាក់គ្នាខាងភូមិសាស្ត្រនយោបាយកាន់តែធ្ងន់ធ្ងរនៅអឺរ៉ុប ថាមពលសកល និងកង្វះស្បៀងអាហារកាន់តែខ្លាំងក្លា និងប៉ះពាល់ដល់សន្តិសុខក្នុងតំបន់ និងអន្តរជាតិ។
សហគមន៍អន្តរជាតិគួរតែរក្សាការប្តេជ្ញាចិត្តចំពោះវិធីសាស្រ្តត្រឹមត្រូវនៃការជំរុញការចរចា ដើម្បីសន្តិភាព ជួយភាគីជម្លោះបើកទ្វារទៅរកដំណោះស្រាយនយោបាយឱ្យបានឆាប់តាមដែលអាចធ្វើទៅបាន និងបង្កើតលក្ខខណ្ឌ និងវេទិកាសម្រាប់ការបន្តការចរចាឡើងវិញ។ ប្រទេសចិននឹងបន្តដើរតួនាទីស្ថាបនាក្នុងរឿងនេះ។
ភាគីទាំងអស់ត្រូវតែរក្សាសមហេតុសមផល និងអនុវត្តការអត់ធ្មត់ ជៀសវាងការឆាបឆេះ និងធ្វើឱ្យភាពតានតឹងកាន់តែធ្ងន់ធ្ងរ និងការពារកុំឱ្យវិបត្តិកាន់តែយ៉ាប់យ៉ឺនបន្ថែមទៀត ឬអាចឈានដល់ការគ្រប់គ្រង។
ភាគីទាំងអស់គួរតែគាំទ្ររុស្ស៊ី និងអ៊ុយក្រែនក្នុងការធ្វើការក្នុងទិសដៅតែមួយ ហើយបន្តការសន្ទនាដោយផ្ទាល់ឱ្យបានឆាប់តាមដែលអាចធ្វើទៅបាន ដើម្បីកាត់បន្ថយស្ថានការណ៍បន្តិចម្តងៗ ហើយទីបំផុតឈានដល់បទឈប់បាញ់ដ៏ទូលំទូលាយមួយ៕
ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)