គៀវ៖ មេដឹកនាំអ៊ុយក្រែនបានសន្យាថា នឹងជំរុញឱ្យទទួលបានជ័យជំនះនៅឆ្នាំ២០២៣ ខណៈដែលប្រជាជនអ៊ុយក្រែន បានប្រារព្ធខួបដ៏ក្រៀមក្រំ នៃការឈ្លានពានរបស់រុស្ស៊ី ខណៈដែលទីក្រុងម៉ូស្គូបានប្រាប់ពិភពលោកឱ្យទទួលយក “ការពិត” នៃសង្គ្រាមរបស់ខ្លួន។
នៅក្នុងពិធីមួយនៅទីលាន St Sophia ក្នុងទីក្រុងគៀវ ប្រធានាធិបតីអ៊ុយក្រែនលោក វូឡូឌីមៀ ហ្សេឡិនស្គី បានប្រគល់មេដាយដល់ទាហាន និងម្តាយរបស់មនុស្សម្នាក់ដែលត្រូវបានសម្លាប់ ហើយលោកស្រក់ទឹកភ្នែកនៅពេលដែលប្រារព្ធភ្លេងជាតិ។
លោកបានឲ្យដឹងនៅក្នុងសុន្ទរកថា តាមទូរទស្សន៍មួយថា “យើងបានក្លាយជាគ្រួសារតែមួយ ប្រជាជនអ៊ុយក្រែន បានផ្តល់ទីជម្រក ដល់ប្រជាជនអ៊ុយក្រែន បើកផ្ទះ និងបេះដូងរបស់ពួកគេ ចំពោះអ្នកដែលត្រូវបានបង្ខំឱ្យភៀសខ្លួន ចេញពីសង្គ្រាម” ។
លោកបន្ដថា “យើងទប់ទល់នឹងការគំរាមកំហែងទាំងអស់ ការបាញ់ផ្លោង គ្រាប់បែកចង្កោម កាំជ្រួចធ្វើដំណើរ យន្តហោះដ្រូនធុន kamikaze ការដាច់ភ្លើង និងអាកាសធាតុត្រជាក់ ហើយយើងនឹងធ្វើអ្វីគ្រប់យ៉ាង ដើម្បីទទួលបានជ័យជំនះនៅឆ្នាំនេះ”។
លោក ហ្សេឡិនស្គី ដែលបានក្លាយជានិមិត្តរូបនៃការបដិសេធរបស់អ៊ុយក្រែនក្នុងការក្រាបថ្វាយបង្គំនៅទីក្រុងមូស្គូ បានលើកឡើងថា ប្រជាជនអ៊ុយក្រែនបានបង្ហាញខ្លួនឯងថាជាមនុស្សមិនអាចគ្រប់គ្រងបានក្នុងអំឡុងពេល “ឆ្នាំនៃការឈឺចាប់ ទុក្ខព្រួយ ជំនឿ និងការរួបរួម” ។
លោក បានបន្ដថា “យើងបានឈរយ៉ាងពិតប្រាកដមួយឆ្នាំ” ។ លោកថា ថ្ងៃទី២៤ ខែកុម្ភៈ ឆ្នាំ២០២២ គឺជាថ្ងៃដ៏វែងបំផុតនៃជីវិតរបស់យើង។ ថ្ងៃដ៏លំបាកបំផុតនៃប្រវត្តិសាស្រ្ត សម័យទំនើបរបស់យើង។ យើងក្រោកពីព្រលឹម ហើយមិនបានដេកទេតាំងពីនោះមក”៕ ប្រែសម្រួល ឈូក បូរ៉ា
