បរទេស៖ អតីតមន្ត្រីការទូតកំពូលរបស់សហរដ្ឋអាមេរិក លោក John Bolton និយាយថា លោកមានការងឿងឆ្ងល់ថា ប្រទេសចិនអាចប្រកាន់ជំហរអព្យាក្រឹតភាពស្របច្បាប់ក្នុងជម្លោះរុស្ស៊ី-អ៊ុយក្រែន សូម្បីតែទីក្រុងប៉េកាំងបានអំពាវនាវឱ្យមានបទឈប់បាញ់ និងការបន្តកិច្ចចរចាសន្តិភាពឡើងវិញ មួយឆ្នាំបន្ទាប់ពីការចាប់ផ្តើមប្រតិបត្តិការយោធារបស់ទីក្រុងម៉ូស្គូនៅអ៊ុយក្រែនក៏ដោយ។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែកុម្ភៈ ឆ្នាំ២០២៣ បានឱ្យដឹងថា លោក Bolton ដែលបានទទួលកេរ្តិ៍ឈ្មោះថា ជាអ្នកចូលចិត្តសង្គ្រាម ហើយមានគោលជំហរនយោបាយបរទេសអន្តរាគមន៍និយម ពេញមួយអាជីពនយោបាយរបស់លោកនោះ លោក គឺអ្នករិះគន់ដ៏លេចធ្លោមួយរូបចំពោះគោលនយោបាយរបស់ប្រទេសចិន ដោយសារវាទាក់ទងនឹងតៃវ៉ាន់ឯករាជ្យ និងការចោទប្រកាន់ដោយរដ្ឋចិនថាបានលួចកម្មសិទ្ធិបញ្ញារបស់លោកខាងលិចថែមទៀត។
កាលពីថ្ងៃសុក្រ លោកបានរិះគន់ថែមទៀតទៅលើទីក្រុងប៉េកាំង និងលក្ខណៈនៃទំនាក់ទំនងជាមួយរុស្ស៊ី។ លោក Bolton បានប្រាប់កាសែត Washington Post ថា «អ្នកជំនាញជាច្រើនបាននិយាយថា ចិនមានការស្រងាកចិត្តចំពោះការឈ្លានពានរបស់រុស្ស៊ីមកលើអ៊ុយក្រែន»។ “ខ្ញុំគិតថា យើងបានឃើញក្នុងប៉ុន្មានថ្ងៃថ្មីៗនេះភស្តុតាងវិជ្ជមានថាមិនពិត នោះទេ។”
លោក Bolton បានបន្ថែមថា ព្រោះប្រទេសចិនបានបង្កើនការនាំចូលឧស្ម័ន និងប្រេងពីក្រុមហ៊ុនផ្តល់សេវារុស្ស៊ី ដើម្បីធ្វើឲ្យផលប៉ះពាល់ដល់ទណ្ឌកម្មរបស់លោកខាងលិចដែលដាក់លើរុស្ស៊ី ហើយលោកបានស្នើថា ផែនទីបង្ហាញផ្លូវរបស់ចិនទៅកាន់សន្តិភាពនៅអ៊ុយក្រែនទំនងជាត្រូវបានចុះហត្ថលេខាដោយទីក្រុងម៉ូស្គូ៕ប្រែសម្រួលៈ ណៃ តុលា
