វ៉ាស៊ីនតោន៖ នៅពេលដែលសង្រ្គាមនៅក្នុងប្រទេសអ៊ុយក្រែនឈានចូលដល់ឆ្នាំទីពីររបស់ខ្លួន នាយក CIA លោក William Burns បានឲ្យដឹងថា ប្រធានាធិបតីរុស្ស៊ីលោក វ្លាឌីមៀ ពូទីន កំពុងមានទំនុកចិត្តខ្លាំងពេកនៅក្នុងសមត្ថភាពយោធារបស់លោក ក្នុងការវាយអ៊ុយក្រែនឱ្យចុះចូល។
លោក Burns នៅក្នុងបទសម្ភាសន៍តាមទូរទស្សន៍បានលើកឡើងថា ប្រធានសេវាស៊ើបការណ៍សម្ងាត់របស់រុស្ស៊ីបានបង្ហាញនៅក្នុងកិច្ចប្រជុំខែវិច្ឆិការបស់ពួកគេ “អារម្មណ៍ឆ្អែតឆ្អន់ និងភាពច្របូកច្របល់” ដែលឆ្លុះបញ្ចាំងពីជំនឿផ្ទាល់ខ្លួនរបស់លោក ពូទីន។
លោកបន្ដថា “ដែលលោកអាចធ្វើការតាមពេលវេលាសម្រាប់លោក ដែលលោកជឿថា លោកអាចវាយឲ្យជនជាតិអ៊ុយក្រែនចុះចូល ដែលលោកអាចធ្វើឲ្យសម្ព័ន្ធមិត្តអឺរ៉ុបរបស់យើងធ្លាក់ចុះ នោះភាពនឿយហត់ខាងនយោបាយនឹងឈានចូលមកដល់”។
លោក Burns បានបន្ថែមថា ការសន្ទនានោះ ដែលលោកបានព្រមានអំពីផលវិបាក ប្រសិនបើរុស្ស៊ីដាក់ពង្រាយអាវុធនុយក្លេអែរក្នុងប្រទេសអ៊ុយក្រែន គឺ “គួរឱ្យស្តាយណាស់”៕
