ញូវយ៉ក៖ តម្លៃប្រេងបានកើនឡើង នៅចុងបញ្ចប់នៃការជួញដូរកាលពីថ្ងៃសុក្រ ដោយផ្លាស់ប្តូរការខាតបង់មុន ដើម្បីប្រកាសសញ្ញាបិទដ៏ល្អបំផុត របស់ពួកគេក្នុងរយៈពេល ៣សប្តាហ៍ដោយសង្ឃឹមថាតម្រូវការពីប្រទេស នាំចូលកំពូលរបស់ពិភពលោក គឺប្រទេសចិន នឹងប្រសើរឡើងបន្ថែមទៀត។
ប្រេងឆៅប្រភេទ Brent ដែលជាតម្លៃគោលសម្រាប់ប្រេង ពីរភាគបីរបស់ពិភពលោកបានបន្ថែម ១,០៨ ដុល្លារ ឬ ១,៣ភាគរយដើម្បីទូទាត់នៅ ៨៥,៨៣ដុល្លារក្នុងមួយបារ៉ែល ខណៈដែល West Texas Intermediate ដែលជារង្វាស់ដែលតាមដានប្រេង ឆៅរបស់អាមេរិក បានកើនឡើង ១,៥២ដុល្លារឬ ១,៩ភាគរយ បញ្ចប់នៅ តម្លៃ ៧៩,៦៩ដុល្លារក្នុងមួយបារ៉ែល ។
គោលទាំងពីរដែលបានបាត់បង់ ប្រហែល ២ ដុល្លារក្នុងការជួញដូរដំបូងបានកត់ត្រាការបិទខ្ពស់បំផុតរបស់ពួកគេចាប់តាំងពីថ្ងៃទី១៣ ខែកុម្ភៈ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។
បើធៀបនឹងការបិទកាលពីសប្តាហ៍មុន ប្រេងឆៅប្រភេទ Brent បានបន្ថែម ៣,០១ដុល្លារ ឬ ៣,៦៣ ភាគរយ ខណៈ WTI បានកើនឡើង ៣,៣៦ ដុល្លារ ឬ ៤,៤ ភាគរយ ៕
ប្រែសម្រួល ឈូក បូរ៉ា
