បរទេស៖ បេក្ខជនអភិបាលរដ្ឋ Kentucky គឺ Geoffrey Young បានប្រាប់ RT កាលពីថ្ងៃសៅរ៍ថា ដោយមានការជំរុញចិត្តដោយបំណងប្រាថ្នា ចង់ផ្តាច់ទំនាក់ទំនង សេដ្ឋកិច្ច របស់ប្រទេសអាល្លឺម៉ង់ ជាមួយរុស្ស៊ី អ្នកនយោបាយ “ក្ស័យធនផ្នែកបញ្ញា” របស់សហរដ្ឋអាមេរិក បានធ្វើឱ្យសង្គ្រាមនុយក្លេអ៊ែរ ក្លាយជាលទ្ធភាពជាក់ស្តែង។
យោងតាមសារព័ត៌មាន RT ចេញផ្សាយនៅថ្ងៃទី៤ ខែមីនា ឆ្នាំ២០២៣ បានឱ្យដឹងថា លោក Young បាននិយាយថា ម្ចាស់ឆ្នោតដែលលោកបាននិយាយ ជាមួយនៅរដ្ឋ Kentucky គឺ “មានការធុញទ្រាន់” នៅពេលដែលឃើញប្រាក់ពន្ធ របស់ពួកគេទៅអ៊ុយក្រែន ហើយគិតថា សហរដ្ឋអាមេរិកគួរតែកាត់ផ្តាច់ការផ្គត់ផ្គង់អាវុធ ដល់ទីក្រុងគៀវ ។
លោកបាននិយាយថា ទោះជាយ៉ាងណានៅក្នុងទីក្រុងវ៉ាស៊ីនតោន អ្នកនយោបាយត្រូវបានបំបែកពីការពិត។ លោកបានអះអាងថា “ខ្ញុំគិតថាភាគច្រើននៃពួកគេ ត្រូវបានបំភាន់យ៉ាងខ្លាំង អំពីការពិតដោយការឃោសនា ប្រឆាំងរុស្ស៊ី ជាច្រើនទសវត្សរ៍ នៅក្នុងប្រព័ន្ធផ្សព្វផ្សាយចម្បង របស់យើង” ដោយចង្អុលទៅការពិតដែលថា សភាកំពុងធ្វើសវនាការស្តីពីការប្រែប្រួល អាកាសធាតុ ដែលគាត់ហៅថា “មិនពាក់ព័ន្ធទាំងស្រុង នៅពេលនេះនៅពេលដែលមនុស្សជាតិ ត្រូវបានគំរាមកំហែង ដោយសង្រ្គាមនុយក្លេអ៊ែរ ដែលអាចកើតមាន។
ក្រៅពីការប្រើអ៊ុយក្រែន ដើម្បីប្រយុទ្ធនឹងសង្គ្រាមប្រូកស៊ី (សង្គ្រាមតំណាង) ប្រឆាំងនឹងរុស្ស៊ី លោក Young បានអះអាងថាគោលដៅសំខាន់របស់រដ្ឋបាល Bden គឺដើម្បី «ពង្រឹងការកាន់កាប់របស់ក្រុងវ៉ាស៊ីនតោនលើអ្វីដែលហៅថាសម្ព័ន្ធមិត្តអឺរ៉ុបរបស់យើង»៕
ប្រែសម្រួលៈ ណៃ តុលា
