ប៉េកាំង៖ ផលប្រយោជន៍រួម ទំនួលខុសត្រូវរួម និងមិត្តភាពរវាងប្រជាជន គួរតែត្រូវបានកំណត់ដោយទំនាក់ទំនងចិន-អាមេរិក។ អនុរដ្ឋមន្រ្តីការបរទេសចិន លោក Qin Gang បានឲ្យដឹងថា ទំនាក់ទំនងជាជាងនយោបាយក្នុងស្រុករបស់សហរដ្ឋអាមេរិក ឬការញុះញង់ដ៏ឆ្កួតលីលា។
ថ្លែងនៅក្នុងសន្និសីទសារព័ត៌មានមួយនៅខាងក្រៅសម័យប្រជុំដំបូងនៃសភាប្រជាជនជាតិលើកទី១៤ លោក Qin បានលើកឡើងថា មនុស្សកាន់តែច្រើនដែលមានចក្ខុវិស័យ និងការយល់ដឹងនៅក្នុងសហរដ្ឋអាមេរិកបាននឹងកំពុងអំពាវនាវឱ្យមានគោលនយោបាយសមហេតុផល និងជាក់ស្តែងចំពោះប្រទេសចិន។
ដោយនឹកឃើញការពិភាក្សារបស់លោកជាមួយជនជាតិអាមេរិកធម្មតាពីកម្មករកំពង់ផែរហូតដល់កសិករ អតីតឯកអគ្គរដ្ឋទូតចិនប្រចាំសហរដ្ឋអាមេរិកបានឲ្យដឹងថា ប្រជាជនអាមេរិកមានភាពរួសរាយរាក់ទាក់ ចិត្តល្អ និងស្មោះត្រង់ ហើយពួកគេចង់បានជីវិតប្រសើរជាងមុន និងពិភពលោកប្រសើរជាងមុន ដូចប្រជាជនចិនដែរ។
លោក បានឲ្យដឹងថា “នៅទីក្រុង Los Angeles កម្មករនៅកំពង់ផែ Long Beach បានចែករំលែកជាមួយខ្ញុំពីរបៀបដែលគ្រួសាររបស់ពួកគេទាំងមូលរស់នៅក្រៅពាណិជ្ជកម្មជាមួយប្រទេសចិន ដោយសង្កត់ធ្ងន់ថា សហរដ្ឋអាមេរិក និងចិនគួរតែរីកចម្រើនជាមួយគ្នា”។
លោកបន្ដថា “កសិករនៅរដ្ឋ Iowa បានប្រាប់ខ្ញុំថា ពួកគេចង់ផលិតអាហារបន្ថែមទៀត ដោយសារតែមនុស្សមួយចំនួនធំនៅក្នុងពិភពលោកនៅតែរស់នៅក្នុងភាពអត់ឃ្លាន” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោករដ្ឋមន្ត្រីបានបន្ដថា “ប្រធានសាកលវិទ្យាល័យមួយបានសង្កត់ធ្ងន់ថា ការផ្លាស់ប្តូរអន្តរជាតិមានសារៈសំខាន់ សម្រាប់ការរីកចម្រើនផ្នែកបច្ចេកវិទ្យា ហើយការកាត់បច្ចេកវិជ្ជា គឺចាញ់-ចាញ់ និងចាញ់ទាំងអស់”។
លោកបន្ថែមថា “រាល់ពេលដែលខ្ញុំគិតអំពីពួកគេ ខ្ញុំជឿជាក់ថាទំនាក់ទំនងចិន-អាមេរិក គួរតែត្រូវបានកំណត់ដោយផលប្រយោជន៍រួម និងទំនួលខុសត្រូវរួមរបស់ប្រទេសទាំងពីរ និងដោយមិត្តភាពរវាងប្រជាជនចិន និងអាមេរិក ជាជាងដោយនយោបាយក្នុងស្រុក ឬការញុះញង់របស់សហរដ្ឋអាមេរិក៕ប្រែសម្រួល ឈូក បូរ៉ា
