បរទេស៖ ក្រសួងការពារជាតិរបស់ ប្រទេសសណ្ឌាបាននិយាយថា កិច្ចព្រមព្រៀងទិញមីស៊ីលល្បឿនលឿន ជាងសំឡេងប្រភេទ BrahMos រយៈចម្ងាយឆ្ងាយចំនួន ជាង ២០០ គ្រាប់សម្រាប់កងទ័ពជើងទឹក ឥណ្ឌាគឺស្ថិតក្នុង “ដំណាក់កាលជឿនលឿនទៅមុខហើយ” ។
យោងតាមសារព័ត៌មាន RT ចេញផ្សាយនៅថ្ងៃទី១៣ ខែមីនា ឆ្នាំ២០២៣ បានឱ្យដឹងថាទីភ្នាក់ងារសារព័ត៌មាន ANI បានរាយការណ៍ថា ប្រព័ន្ធសព្វាវុធដែលត្រូវបានអភិវឌ្ឍ នៅក្នុងការបណ្តាក់ទុនរួមគ្នា ដោយការិយាល័យរចនារ៉ុក្កែត NPO Mashinostroyenyia របស់រុស្ស៊ី និងអង្គការស្រាវជ្រាវ និងអភិវឌ្ឍន៍ការពារជាតិឥណ្ឌា នឹងត្រូវដាក់ពង្រាយនៅលើនាវាចម្បាំងជួរមុខ ទាំងអស់នៃកងទ័ពជើងទឹកឥណ្ឌា។ កិច្ចព្រមព្រៀងនេះត្រូវបាន គេប៉ាន់ប្រមាណថា នឹងមានតម្លៃ ២,៥ ពាន់លានដុល្លារ។
មីស៊ីលទាំងនោះត្រូវបានគេរំពឹងថា នឹងត្រូវបានប្រើក្នុងប្រព័ន្ធថ្មការពារចល័ត។
ANI បានដកស្រង់សម្តីមន្ត្រីការពារជាតិ ជាន់ខ្ពស់ម្នាក់បាននិយាយថា “សំណើរបស់កងទ័ពជើងទឹកឥណ្ឌា ដើម្បីទទួលបានមីស៊ីលលឿនជាងសំឡេង BrahMos ជាង ២០០ គ្រាប់ទាំងនេះ គឺស្ថិតក្នុងដំណាក់កាលជឿនលឿនទៅមុខ ហើយត្រូវបានគេរំពឹងថា នឹងត្រូវបញ្ជាក់ដោយក្រសួងការពារជាតិ ក្នុងពេលឆាប់ៗនេះ” ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
