ប៉ារីស៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៥ ខែមីនា ឆ្នាំ២០២៣ថា កាលពីថ្ងៃអង្គារ យន្តហោះចម្បាំងរុស្ស៊ី១គ្រឿង បានចាក់សាំងដោយហោះពី លើយន្តហោះគ្មានមនុស្សបើករបស់អាមេរិក នៅលើសមុទ្រខ្មៅ ហើយបន្ទាប់មកបានបុកគ្នា បណ្តាលឲ្យយន្តហោះគ្មានមនុស្សបានបើកធ្លាក់ ។ យោធាអាមេរិកបានបញ្ជាក់ថា សមយុទ្ធនេះថា “មិនប្រុងប្រយ័ត្ន” ។
បញ្ជាការដ្ឋានអឺរ៉ុបរបស់សហរដ្ឋអាមេរិក បានឲ្យដឹងថា យន្តហោះចម្បាំង Su-27 របស់រុស្ស៊ី២គ្រឿង បានស្ទាក់ចាប់យន្តហោះគ្មានមនុស្សបើក MQ-9 Reaper នៅពីលើដែនទឹកអន្តរជាតិ ហើយ១គ្រឿងទៀត បានខ្ទាស់ក្បាលម៉ាស៊ីនរបស់វា។
បញ្ជាការដ្ឋានខាងលើបានបញ្ជាក់ថា “ជាច្រើនដងមុនពេលប៉ះទង្គិចគ្នា យន្តហោះ Su-27s បានចាក់សាំង ហើយបានហោះនៅពីមុខយន្តហោះ MQ-9 ក្នុងលក្ខណៈដែលមិនប្រុងប្រយ័ត្ន មិនប៉ះពាល់ដល់បរិស្ថាន និងគ្មានវិជ្ជាជីវៈ” ។
ជុំវិញករណីនេះ ក្រុងម៉ូស្គូបានបដិសេធថា មិនបានបង្កការធ្លាក់យន្តហោះគ្មានមនុស្សបើក ដែលមន្ទីរបញ្ចកោណបានលើកឡើងថា ស្ថិតនៅក្នុងបេសកកម្ម ISR ធម្មតា រឺហៅថា ឈ្លបយកការណ៍ ។
ក្រសួងការពារជាតិរុស្ស៊ីបានឲ្យដឹងថា “ជាលទ្ធផលនៃសមយុទ្ធដ៏មុតស្រួចនេះ … យន្តហោះគ្មានមនុស្សបើក MQ-9 បានចូលទៅក្នុងការហោះហើរ ដែលមិនអាចគ្រប់គ្រងបាន ជាមួយនឹងការបាត់បង់រយៈកម្ពស់ និងបានបុកជាមួយនឹងផ្ទៃទឹក” ។
ទាក់ទងនឹងយន្តហោះអាមេរិក និងមិនបានប្រើអាវុធរបស់ពួកគេទេ ។
ក្រសួងការបរទេសអាមេរិក បានបញ្ជាក់ថា ខ្លួនបានកោះហៅឯកអគ្គរដ្ឋទូតរុស្ស៊ី ដើម្បីតវ៉ាជុំវិញបញ្ហានេះ ៕
ប្រែសម្រួលដោយ៖ ម៉ៅ បុប្ផាមករា
