ប៉េកាំង៖ អ្នកនាំពាក្យក្រសួងការពារជាតិចិន បានជំរុញឱ្យសហរដ្ឋអាមេរិក បញ្ឈប់ជាបន្ទាន់នូវការបញ្ចេញមតិ ដែលមិនទទួលខុសត្រូវ និងការបង្កាច់បង្ខូចយោធាចិន នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
លោក Tan Kefei អ្នកនាំពាក្យក្រសួងការពារជាតិចិន បានឲ្យដឹងនៅក្នុងការឆ្លើយតបទៅ នឹងប្រព័ន្ធផ្សព្វផ្សាយមួយថា យោធាចិន បាននឹងកំពុងដោះស្រាយការជួបប្រជុំគ្នាតាមផ្លូវអាកាស និងដែនសមុទ្រជាមួយកងកម្លាំងយោធា បរទេសស្របតាមច្បាប់ និងបទប្បញ្ញត្តិ ហើយតែងតែជា កម្លាំងដ៏រឹងមាំ សម្រាប់សន្តិភាពពិភពលោក ដែលជាការឆ្លើយតបទៅនឹង ការស៊ើបអង្កេតលើការអត្ថាធិប្បាយថ្មីៗ របស់ក្រសួងការពារជាតិ សហរដ្ឋអាមេរិកទាក់ទងនឹងយោធាចិន។
អ្នកនាំពាក្យរូបនេះបានលើកឡើងថា ប្រទេសចិនរក្សាយ៉ាងម៉ឺងម៉ាត់នូវសេរីភាព នៃការធ្វើនាវាចរណ៍ និងជើងហោះហើរដោយប្រទេសទាំងអស់ ស្របតាមច្បាប់អន្តរជាតិ និងការពារសន្តិសុខនៃការឆ្លងកាត់សមុទ្រ ដូចដែលបានកត់សម្គាល់នៅក្នុងច្បាប់ ដែលមានចំណងជើងថា “ការការពារជាតិរបស់ប្រទេសចិនក្នុងយុគសម័យថ្មី” ។
ផ្ទុយទៅវិញ ភាគីអាមេរិក បាននិងកំពុងប្រើប្រាស់អំណាចយោធាអនុត្តរភាពរបស់ខ្លួន ដើម្បីអនុវត្តការបង្ខិតបង្ខំ ការចាក់សោរ និងសង្គ្រាមជុំវិញពិភពលោក ស្វែងរកប្លុកដែលមិនរាប់បញ្ចូល និងញុះញង់ឱ្យមានការប្រឈមមុខដាក់គ្នា ដែលជាការគំរាមកំហែងដ៏ធំបំផុតចំពោះសន្តិភាព និងស្ថិរភាពពិភពលោក។
លោកបានបន្ដថា យោធាចិន មានឆន្ទៈក្នុងការចាប់ដៃជាមួយកងកម្លាំងយោធា មកពីប្រទេសផ្សេងៗ ដើម្បីបង្ហាញយ៉ាងម៉ឺងម៉ាត់លើគោលបំណង និងគោលការណ៍នៃធម្មនុញ្ញ អង្គការសហប្រជាជាតិ បំពេញទំនួលខុសត្រូវ និងកាតព្វកិច្ចអន្តរជាតិរបស់ខ្លួន និងធ្វើការរួមចំណែកជាវិជ្ជមាន ក្នុងការកសាងសហគមន៍មនុស្ស ជាមួយនឹងអនាគតរួមគ្នា៕
ប្រែសម្រួល ឈូក បូរ៉ា
