ម៉ូស្គូ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២២ ខែមីនា ឆ្នាំ២០២៣ថា លោក ហ្ស៊ី ជិនពីង និងលោក វ៉្លាឌីមៀ ពូទីន បានធ្វើឲ្យមានកិច្ចពិភាក្សារយៈពេល២ថ្ងៃកាលពីថ្ងៃអង្គារ ជាមួយនឹងការប្រើប្រាស់ពាក្យពេជន៍ ដ៏កក់ក្តៅនៃមិត្តភាពរវាងចិន និងរុស្ស៊ី និងបានធ្វើការរិះគន់រួមគ្នា ពីលោកខាងលិច ប៉ុន្តែមិនមានសញ្ញា នៃរបកគំហើញការទូត លើអ៊ុយក្រែន ឡើយ ។
ដំណើរទស្សនកិច្ច របស់លោក ហ្ស៊ី ទៅកាន់ទីក្រុងម៉ូស្គូ ត្រូវបានវិមានក្រឹមឡាំងលើកឡើងជាយូរមកហើយថា ជាការបង្ហាញពីការគាំទ្រ ពីមិត្តដ៏មានឥទ្ធិពលបំផុតរបស់ខ្លួននោះ បានបង្ហាញពីការបង្ហាញពីការគាំទ្រដ៏ច្រើនសន្ធឹកសន្ធាប់ ។ មេដឹកនាំទាំង២បានហៅគ្នាទៅវិញទៅមកថា ជាមិត្តជាទីស្រឡាញ់ បានសន្យាកិច្ចសហប្រតិបត្តិការសេដ្ឋកិច្ច និងបានពិពណ៌នាអំពីទំនាក់ទំនង របស់ប្រទេសរបស់ពួកគេថា ល្អបំផុតដែលពួកគេធ្លាប់មាន ។
សេចក្តីថ្លែងការណ៍រួមរួម មានការចោទប្រកាន់ដែលធ្លាប់ស្គាល់ប្រឆាំង នឹងលោកខាងលិច ថា ក្រុងវ៉ាស៊ីនតោនកំពុងធ្វើឱ្យខូចដល់ស្ថិរភាពពិភពលោក ហើយអង្គការ NATO កំពុងរារាំងដល់តំបន់អាស៊ីប៉ាស៊ីហ្វិក ។
ស្តីពីអ៊ុយក្រែន វិញ លោកពូទីនបានសរសើរលោក ហ្ស៊ី ចំពោះផែនការសន្តិភាពដែលលោកបានស្នើកាលពីខែមុន ហើយបានស្តីបន្ទោសដល់ក្រុង គៀវ និងលោកខាងលិចចំពោះការបដិសេធ ៕
ប្រែសម្រួលដោយ៖ ម៉ៅ បុប្ផាមករា
