បរទេស៖អតីតប្រធានាធិបតី រុស្សីលោក Dmitry Medvedev កាលពីថ្ងៃអាទិត្យម្សិលមិញនេះ បានធ្វើការលើកឡើងថា សេដ្ឋកិច្ចរបស់ប្រទេសរុស្សី នឹងមិនត្រូវកាត់បន្ថយនោះទេ ទោះបីជាមានជម្លោះ ជាមួយអ៊ុយក្រែន និងលោកខាងលិចក្តី។
លោកអតីតប្រធានាធិបតីរូបនេះ ដដែលបានបន្តទៀតថា អតុល្យភាព នៅក្នុងសេដ្ឋកិច្ច នឹងមិនត្រូវបានឲ្យរីកធំជាងនេះ នោះទេ ដោយលោកបានបន្ថែមថា ប្រទេសនេះទំនងជាមិនទទួលរង នូវជោគវាសនា ដូចទៅនឹងសហភាពសូវៀត នោះដែរ។
លោក Medvedev បានថ្លែងទៀតដែរថា៖បច្ចុប្បន្នមិនមានការគំរាមកំហែង នៃការធ្វើសេដ្ឋកិច្ចតាមវិធីមួយ ដែលធ្លាប់បានធ្វើនៅសហភាពសូវៀត កាលពីទសវត្សរ៍ឆ្នាំ១៩៧០ និងឆ្នាំ១៩០៨០ នោះទេ។
គួរឲ្យដឹងដែរថាកាលពីព្រឹកថ្ងៃអាទិត្យ ប្រធានាធិបតីរុស្ស៊ី លោក Vladimir Putin បានគូសបញ្ជាក់ថាអំពីក្តីបារម្ភ របស់សហភាពអឺរ៉ុប ចំពោះទំនាក់ទំនងជាមួយនឹង ទីក្រុងប៉េកាំង និងបានបញ្ជាក់ទៀតថារុស្ស៊ី និងចិនបានឈរនៅលើកំពូលតារាង ប្រទេសដែលមានអតិរេកពាណិជ្ជកម្ម ដ៏ធំបំផុត កាលពីឆ្នាំមុន៕
ប្រែសម្រួល៖ស៊ុនលី
