បរទេស៖ នាវាបំពាក់មីស៊ីល (TOF) ចំនួនពីរគ្រឿង បានបាញ់សាកល្បងមីស៊ីលប្រឆាំង នាវាដែលជាមីស៊ីលប្រភេទ Moskit និងបានបំផ្លាញគំរូគោលដៅមួយ នៅក្នុងឈូងសមុទ្រ Peter the Great Gulf ក្នុងសមុទ្រជប៉ុន, នេះបើយោងតាមវីដេអូ ដែលចេញផ្សាយ ដោយកងនាវាចរប៉ាស៊ីហ្វិករុស្ស៊ី។
យោងតាមសារព័ត៌មាន Sputnik ចេញផ្សាយនៅថ្ងៃទី២៨ ខែមីនា ឆ្នាំ២០២៣ បានឱ្យដឹងថា នៅខ្សែអាត់វីដេអូបង្ហាញ ពីនាវាផ្ទុកមីស៊ីលដែលធ្វើដំណើរ ទៅកាន់ទីតាំងបាញ់បង្ហោះរបស់ពួកគេ ក្នុងចំណោមផ្ទាំងទឹកកក និងការបាញ់មីស៊ីលប្រឆាំងនាវា Moskit ។
កងទ័ពជើងទឹករុស្ស៊ី បានឱ្យដឹងថា “ក្រុមវាយប្រហារដែលជានាវា បាញ់មីស៊ីលដែលមាននាវាផ្ទុកមីស៊ីលចំនួន២គ្រឿង បានធ្វើការវាយប្រហាររួមគ្នាប្រឆាំង នឹងខែលការពារសមុទ្រ ដែលក្លែង ធ្វើនាវាប្រយុទ្ធរបស់សត្រូវក្លែងបន្លំ ។ គោលដៅដែលមានចម្ងាយប្រហែល ១០០ គីឡូម៉ែត្រត្រូវបានវាយប្រហារ ដោយជោគជ័យដោយការវាយប្រហារ ដោយផ្ទាល់ពីមីស៊ីល Moskit ចំនួនពីរគ្រាប់។
យោងតាមកងកម្លាំងទ័ពជើងទឹក សុវត្ថិភាព នៃការបាញ់សាកល្បងត្រូវបានធានាដោយកប៉ាល់លើផ្ទៃទឹក និងយន្តហោះពីអាកាសចរណ៍កងទ័ពជើងទឹក ភាគខាងជើង៕
