ព្រុចសែល៖ បណ្ដាធនាគារអ៊ឺរ៉ុប ត្រូវបានរៀបចំបានល្អជាងកន្លែងផ្សេងទៀត ក្នុងពិភពលោកសម្រាប់វិបត្តិដូចជា ការបរាជ័យរបស់ធនាគារ ក្នុងតំបន់ពីរនៅសហរដ្ឋអាមេរិក កាលពីដើមខែនេះ ហើយទោះជាយ៉ាងណាក៏ដោយ អ្នកវិភាគឲ្យដឹងថា ពួកគេនៅតែងាយរងគ្រោះ ចំពោះការផ្លាស់ប្តូរទំនុកចិត្តអ្នកប្រើប្រាស់ និងភាពទន់ខ្សោយក្នុងវិស័យហិរញ្ញវត្ថុ។
ធនាគារយក្សរបស់អាល្លឺម៉ង់ Deutsche Bank គឺជាស្ថាប័នអឺរ៉ុបចុងក្រោយបង្អស់ ដែលស្ថិតនៅក្រោមសម្ពាធ។ ភាគហ៊ុនរបស់ធនាគារមួយនេះ បានបាត់បង់ជិតមួយភាគបួន នៃតម្លៃរបស់ខ្លួននៅក្នុងខែមីនា ដោយសារតែអ្នកវិនិយោគមាន ការព្រួយបារម្ភអំពីភាពងាយរងគ្រោះរបស់ខ្លួន ចំពោះការភ្ញាក់ផ្អើលខាងក្រៅ ពោលគឺនៅអាមេរិកតែម្ដង។
វិស័យទាំងមូលបាននិងកំពុង មានអារម្មណ៍ឈឺចាប់៖ បន្ទាប់ពីវគ្គជួញដូរចុងក្រោយ នៃខែកាលពីថ្ងៃសុក្រ សន្ទស្សន៍ភាគហ៊ុនធនាគារ STOXX Europe 600 បានធ្លាក់ចុះជាង ១៣ ភាគរយ។
លោក Lorenzo Forni សាស្ត្រាចារ្យផ្នែកគោលនយោបាយ សេដ្ឋកិច្ចមកពីសាកលវិទ្យាល័យ Padua របស់ប្រទេសអ៊ីតាលី បានឲ្យដឹងថា “ឫសជ្រៅបំផុតនៃវិបត្តិនេះ គឺទាក់ទងទៅនឹងទំនុកចិត្តរបស់វិនិយោគិន” ។
នៅក្នុងបទសម្ភាសន៍ជាមួយស៊ិនហួលោក Forni បានចង្អុលបង្ហាញពីការងាររបស់ អ្នកឈ្នះរង្វាន់ណូបែលផ្នែកសេដ្ឋកិច្ច កាលពីឆ្នាំមុន សេដ្ឋវិទូ Douglas Diamond និង Philip Dybvig នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។
ប្រៅពបានបញ្ជាក់ថា “អ្នកអាចមានមូលដ្ឋានគ្រឹះដ៏រឹងមាំ ប៉ុន្តែចំណុចនៃការស្រាវជ្រាវរង្វាន់ណូបែលគឺថា នៅពេលនិយាយអំពីការដំណើរការធនាគារ វាមានលំនឹងច្រើន នោះហើយជាមូលហេតុ ដែលវាពិបាកក្នុងការទស្សន៍ទាយវិបត្តិហិរញ្ញវត្ថុ” ៕
ប្រែសម្រួល ឈូក បូរ៉ា
