បរទេស៖ អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅថ្ងៃចន្ទថា ការផ្ទុះគ្រាប់បែកដែលបានសម្លាប់ អ្នកសរសេរប្លុកយោធារុស្ស៊ីលោក Vladlen Tatarsky នៅក្នុងហាងកាហ្វេមួយក្នុងទីក្រុង St. Petersburg គឺជាការវាយប្រហារភេរវកម្ម។ ការថ្លែងរបស់លោកបានធ្វើឡើង បន្ទាប់ពីអាជ្ញាធររុស្ស៊ីបានស្តីបន្ទោសអ៊ុយក្រែន ចំពោះការរៀបចំការបំផ្ទុះនេះ។
យោងតាមសារព័ត៌មាន RT ចេញផ្សាយនៅថ្ងៃទី៣ ខែមេសា ឆ្នាំ២០២៣ បានឱ្យដឹងថា លោក Peskov បានពន្យល់នៅពេលទូរស័ព្ទ ជាមួយអ្នកកាសែតថា “ជាការពិតណាស់ នេះបង្កើតជាអំពើភេរវកម្ម” ។ លោកបានបន្ថែមថា “របបក្នុងទីក្រុងគៀវ គាំទ្រសកម្មភាពភេរវជន … [ហើយ] បាននៅពីក្រោយការសម្លាប់មនុស្សជាច្រើនតាំងពីឆ្នាំ២០១៤។
កាលពីថ្ងៃអាទិត្យ លោក Tatarsky ដែលមានឈ្មោះពិតថា Maksim Fomin កំពុងរៀបចំកម្មវិធីជួបជុំជាមួយអ្នកគាំទ្រ នៅពេលដែលគ្រាប់បែកមួយបានបំផ្ទុះ នៅក្នុងកន្លែងជួបជុំដោយបានសម្លាប់គាត់ និងមនុស្សជាង ៣០នាក់ផ្សេងទៀតរងរបួស។
គណៈកម្មាធិការជាតិប្រឆាំងអំពើភេរវកម្ម របស់រុស្ស៊ីបាននិយាយនៅថ្ងៃចន្ទថា ជនសង្ស័យជាស្រ្តីឈ្មោះ Darya Trepova ដែលត្រូវបានឃុំខ្លួនកំពុង ធ្វើសកម្មភាពជំនួសទីក្រុងគៀវ។ នៅក្នុងវីដេអូដែលបាន ចេញផ្សាយដោយប៉ូលីស គឺ ជនសង្ស័យ Trepova អាយុ ២៦ ឆ្នាំបានសារភាពថា “នាំយករូបចម្លាក់ដែលដាក់គ្រឿងផ្ទុះ” នៅក្នុងហាងកាហ្វេហើយបាននិយាយថា នាងនឹង “ពន្យល់នៅពេលក្រោយ” ពីរបៀបដែលនាងទទួលបានរូបចម្លាក់នេះ ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
