អ្នកស្លាប់ ដោយហេតុការណ៍ រលំអគារស្នាក់នៅមួយ នៅបារាំង កើនឡើងដល់៦នាក់

បរទេស៖ទីភ្នាក់ងារចិនស៊ិនហួចេញផ្សាយនៅថ្ងៃនេះ បានឲ្យដឹងថាសាកសពទី៦ ដែលត្រូវបានគេអូសចេញពីគំនរបែកបាក់អគារអាផាតមិនមួយកន្លែងនៅភាគខាងត្បូង ប្រទេសបារាំងក្នុងទីក្រុង Marseille។

ហេតុការណ៍ដែលបានបានកើតឡើង តាំងតែពីចុងសប្តាហ៍ដោយសាកសពចំនួន៥ ត្រូវបានគេរកឃើញភ្លាមៗហើយត្រូវបានបញ្ជូនទៅកាន់មន្ទីរពេទ្យ ដើម្បីធ្វើការកំណត់ DNA កំណត់អត្តសញ្ញាញ។

អភិបាលក្រុង Marseille លោក Benoit Payan បានថ្លែងប្រាប់ទៅកាន់ក្រុមអ្នកកាសែតថា ពួកយើងសង្ឃឹមថានឹងនៅមានអ្នករស់រានមានជីវិតនៅពីខាងក្រោមអគារនៅឡើយ។ ដូច្នេះយើងត្រូវធ្វើការសំអាតនិងគាស់ កាយដោយយឺតៗនិងការប្រុងប្រយ័ត្នបំផុតមិនឲ្យមានគ្រោះថ្នាក់ឬរបួស ដល់មនុស្សដែលអាចជាប់នៅពីខាងក្នុងឡើយ។

គួរឲ្យដឹងដែរថាក្រោយហេតុការណ៍ រលំអគារអាផាតមិននេះហើយអគារស្នាក់នៅក្បែរនោះ ចំនួន២ទៀតក៏ទទួលរងការខូចខាតផងដែរហើយពលរដ្ឋរស់នៅលើអគារសរុបជាង ២០០នាក់ត្រូវបានជន្លៀសចេញពីទីតាំង៕

ប្រែសម្រួល៖ស៊ុនលី