តូក្យូ៖ រដ្ឋមន្ត្រីក្រសួងកសិកម្ម មកពីក្រុមប្រទេសឧស្សាហកម្មទាំងប្រាំពីរ (G-7) បានជួបប្រជុំគ្នានៅថ្ងៃសៅរ៍នេះ នៅភាគនិរតីប្រទេសជប៉ុន រយៈពេលពីរថ្ងៃនៃកិច្ចពិភាក្សា ដើម្បីស្វែងរកមធ្យោបាយ នៃការធានាការផ្គត់ផ្គង់ស្បៀងអាហារប្រកបដោយស្ថិរភាព ខណៈដែលសង្រ្គាមរបស់រុស្ស៊ីប្រឆាំងនឹងអ៊ុយក្រែន គំរាមកំហែងដល់សន្តិសុខស្បៀងពិភពលោក។
ក្នុងអំឡុងពេល នៃការជួបជុំគ្នានៅទីក្រុង Miyazaki ដែលជាកិច្ចប្រជុំ ថ្នាក់រដ្ឋមន្ត្រីជាបន្តបន្ទាប់ដែលធ្វើឡើង នៅក្នុងកិច្ចប្រជុំកំពូល G-7 នៅខែក្រោយ ប្រទេសជប៉ុន ក៏គ្រោងនឹងអំពាវនាវសមាជិកក្រុមផ្សេងទៀត ឱ្យចូលរួមក្នុងគម្រោង ដែលពាក់ព័ន្ធដោយអង្គការសហប្រជាជាតិ ដែលមានគោលបំណងគាំទ្រខ្នាតតូច និងអ្នកផលិតចំណីអាហារ ក្នុងប្រទេសកំពុងអភិវឌ្ឍន៍។
ក្រុម G-7 រួមមានអង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិក បូករួមទាំងសហភាពអឺរ៉ុប។ កិច្ចប្រជុំនេះកំពុងប្រព្រឹត្តទៅ ខណៈដែលការរំខាននៅទីផ្សារម្ហូបអាហារ ដែលនាំមកដោយសង្រ្គាម រវាងអ្នកផ្គត់ផ្គង់គ្រាប់ធញ្ញជាតិធំៗទាំងពីរ និងជំងឺរាតត្បាត នៃមេរោគឆ្លងកំពុងជំរុញឱ្យតម្លៃឡើងថ្លៃ ដោយវាយលុកប្រទេសក្រីក្រ ជាពិសេសយ៉ាងខ្លាំង។
ការពិភាក្សានឹងផ្តោតលើការលើកកម្ពស់ ផលិតភាពកសិកម្មដើម្បីបង្កើនទិន្នផល ខណៈពេលដែលការធ្វើដូច្នេះក្នុងលក្ខណៈនិរន្តរភាពបរិស្ថាន នេះបើយោងតាមក្រសួងកសិកម្ម រុក្ខាប្រមាញ់ និងនេសាទជប៉ុន៕
