បរទេស៖ ស្ថានទូតអាមេរិក ប្រចាំនៅប្រទេសស៊ូដង់ កាលពីថ្ងៃម្សិលមិញនេះ បានចេញសេចក្តីប្រកាសអាសន្ន ចំពោះបញ្ហាសន្តិសុខ ដល់ពលរដ្ឋរបស់ខ្លួន ប្រមាណជា១៦០០០នាក់ នៅក្នុងប្រទេសស៊ូដង់ ក្នុងការស្វែងរក កន្លែងសុវត្ថិភាព។
ការប្រកាសអាសន្ន និងត្រូវបានយកមកចេញផ្សាយ ដោយកាសែត RT បានឲ្យដឹងថាបានធ្វើឡើង ដោយសារតែទូតអាមេរិក មើលឃើញនឹងមានការវាយប្រហារគ្នា កើតឡើងរវាងក្រុមកងកម្លាំង រដ្ឋាភិបាល ជាមួយនឹងក្រុមកងកម្លាំង សកម្មប្រយុទ្ធនៅក្នុងទីក្រុង Khartoum។
អំពើហឹង្សា ដែលអាមេរិកជឿជាក់ថា នឹងមានភាពសាហាវហើយស្ថានទូតខ្លួនឯង នៅតែស្ថិតត្រឹមជាកន្លែងស្នាក់នៅ និងមិនអាចផ្តល់សេវាកុងស៊ុល បានឡើយ នេះបើយោងតាមការជូនដំណឹង ដែលចេញកាលពីថ្ងៃសៅរ៍។
គួរឲ្យដឹងដែរថា មកដល់ពេលនេះ អាកាសយានដ្ឋាននៅក្នុងទីក្រុង Khartoum ត្រូវបានបិទស្ថានទូតមិនអាចជួយ ឲ្យពលរដ្ឋចាកចេញ ពីប្រទេសបាននៅឡើយទេ៕
ប្រែសម្រួល៖ស៊ុនលី
