បរទេស៖ ប្រធានាធិបតីនៃប្រទេសលីទុយនេស៊ី លោក Gitanas Nauseda កាលពីថ្ងៃម្សិលមិញនេះ បានធ្វើការលើកឡើងថា៖ សេចក្តីប្រាថ្នារបស់អ៊ុយក្រែន ក្នុងការចូលជាសមាជិក NATO មិនអាចសម្រេចបានឡើយ ខណៈដែលប្រទេសនេះ នៅតែជាប់គាំងក្នុងជម្លោះយោធា ជាមួយរុស្ស៊ីបែបនេះនោះ។
ទោះជាយ៉ាងណាក៏ដោយគាត់លោកប្រធានាធិបតី ក៏បានកត់សម្គាល់ដែរថាការរៀបចំ ផែនទីផ្លូវច្បាស់លាស់ គួរតែត្រូវបានបង្កើតឡើងនៅពាក់កណ្តាលរដូវក្តៅ សម្រាប់ការចូលជាសមាជិក របស់រដ្ឋាភិបាលក្រុងគៀវ។
ថ្លែងនៅក្នុងបទសម្ភាសន៍ជាមួយកាសែត La Repubblica របស់ប្រទេសអ៊ីតាលី ដែលបានចេញផ្សាយកាលពីថ្ងៃសៅរ៍ លោក Nauseda បានបញ្ជាក់ថា ការអនុញ្ញាតឱ្យអ៊ុយក្រែនចូលរួម ក្នុងប្លុកយោធាដែលដឹកនាំដោយសហរដ្ឋអាមេរិក នៅពេលនេះ គឺជារឿងដ៏ពិបាកបំផុតមួយ ហើយថ្នាក់ដឹកនាំរបស់រដ្ឋាភិបាលក្រុងគៀវ ក៏បានដឹងច្បាស់អំពីការពិតនេះដែរ។
គួរឲ្យដឹងដែរថា រដ្ឋមន្ត្រីការពារជាតិអាល្លឺម៉ង់ លោក Boris Pistorius កាលពីសប្តាហ៍មុនក៏បានអះអាងដែរថា ពេលនេះមិនមែនជាពេល ដែលត្រូវសម្រេចចិត្តទេ អំពីអនាគតដែលអាចកើតមាន របស់អ៊ុយក្រែននៅក្នុងអង្គការណាតូ៕ ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
