បរទេស៖ ប្រធានាធិបតីអ៊ុយក្រែន លោក Vladimir Zelensky បានអះអាងនៅក្នុងបទសម្ភាសន៍ ជាមួយប្រព័ន្ធផ្សព្វផ្សាយជាច្រើន កាលពីថ្ងៃសុក្រថា ជម្លោះជាមួយរុស្ស៊ីអាចអូសបន្លាយ រយៈពេលយូរ ប្រសិនបើអ៊ុយក្រែន មិនទទួលបានជំនួយគ្រប់គ្រាន់ ពីអ្នកគាំទ្របរទេសរបស់ខ្លួន។
យោងតាមសារព័ត៌មាន RT ចេញផ្សាយកាលពីថ្ងៃទី២៩ ខែមេសា ឆ្នាំ២០២៣ បានឱ្យដឹងថា នៅពេលត្រូវបានសួរអំពីការផ្ដល់យោបល់ ដែលមកពីប្រទេសលោកខាងលិចដែលថា ទីក្រុងគៀវ ប្រហែលជាត្រូវបោះបង់ចោលទឹកដី ដើ ម្បីទទួលបានសន្តិភាពជាមួយ ទីក្រុងម៉ូស្គូនោះ លោក Zelensky បានឆ្លើយតបថា មនុស្សដែលបញ្ចេញគំនិតបែបនេះគឺគិតតែពីបច្ចុប្បន្នប៉ុណ្ណោះ មិនមែនអនាគតនោះទេ។
លោកបន្តថា “ប៉ុន្តែនេះមិនមែនជាបញ្ហាសម្រាប់ថ្ងៃនេះទេ។ បញ្ហានេះមិនមែនសម្រាប់មួយឆ្នាំទេ បញ្ហានេះអាចរាប់ទសវត្សរ៍ ឬរាប់រយឆ្នាំមកហើយ»។
វានឹងមិនសមរម្យ សម្រាប់សហគមន៍អន្តរជាតិ ក្នុងការជួយក្រុងកៀវឱ្យទទួលបានជ័យជម្នះ មេដឹកនាំអ៊ុយក្រែន បានអះអាងដោយព្រមានថា «មានហានិភ័យខ្ពស់ដែលថា ប្រសិនបើអ៊ុយក្រែនមិនឈ្នះនោះ នឹងមានសង្រ្គាមលោកលើកទី ៣»។
ទោះបីជាយ៉ាងណាក៏ដោយ លោក Zelensky បានបង្ហាញទំនុកចិត្តថា ការវាយលុកដែលបានគ្រោងទុករបស់អ៊ុយក្រែន នឹងអនុញ្ញាតឱ្យទីក្រុងគៀវ ដណ្តើមយកទឹកដី ដែលទើបបញ្ចូលថ្មីរបស់រុស្ស៊ី រួមជាមួយនឹងគ្រីមៀ៕ ប្រែសម្រួលៈ ណៃ តុលា
