បរទេស៖ប្រធានាធិបតីតួគី លោក Recep Tayyip Erdogan កាលពីថ្ងៃអង្គារម្សិលមិញនេះ បានប្រកាសថាស្តុកប្រេងធម្មជាតិថ្មីមួយកន្លែង ត្រូវបានក្រុមការងារ រុករកឃើញ ហើយរំពឹងថានឹងអាចធ្វើការ បូមចេញមកក្នុងទំហំ ដល់ទៅ១០ម៉ឺនបារ៉ែល ក្នុងមួយថ្ងៃ។
យោងតាមការចេញផ្សាយរបស់RT បានឲ្យដឹងដែរថាប្រភពធនធានថ្មីនេះ ត្រូវបានគេរកឃើញនៅជិត ទៅនឹងស្តុកប្រេង ដែលមានស្រាប់ក្បែរភ្នំ Gabar ស្ថិតនៅភាគអាគ្នេយ៍នៃខេត្ត Sirnak ហើយគឺជាស្តុកប្រេងធំ និងអាចបូមបានច្រើន ជាងស្តុកប្រេងណាទាំងអស់ ដែលតួគីមាន។
ប្រភពដដែលបានចេញផ្សាយរបស់សំដីរបស់លោក Erdogan ទៀតថា៖តាមរយៈដំណឹងនេះប្រទេសតួគីនឹងមិនមានឈ្មោះជាប្រទេសដែលនាំចូលថាមពលពីខាងក្រៅទៀតឡើយហើយតួគីនឹងក្លាយទៅជារដ្ឋដែលមានសមត្ថភាពអាចផ្គត់ផ្គង់ធនធានទាំងនេះទៅបរទេសេះិញ។
រំលឹកដែរថាកាលពីខែធ្នូលោក Erdogan បានប្រកាសអំពីការរកឃើញ ទីតាំងបូមប្រេងមួយក្នុងខេត្ត Sirnak ដែលមានទំហំប្រេង សរុបប្រហែលជា១៥០លានបារ៉ែល និងអាចប្រមូលថវិកាចំណេញ ពីការលក់ប្រេងប្រមាណជា ១២ពាន់លានដុល្លារ៕
ប្រែសម្រួល៖ស៊ុនលី
