បរទេស៖ សារព័ត៌មាន Newsweek បានពណ៌នាកងកម្លាំងអវកាសរុស្ស៊ីថា ជា “មហាអំណាចទីពីររបស់ពិភពលោក” ជាមួយនឹងយន្តហោះចម្បាំងប្រមាណ ៩០០គ្រឿង និងយន្តហោះទម្លាក់គ្រាប់បែកចំនួន ១២០ គ្រឿង។
អ្នកជំនាញយោធាអាមេរិក ដ៏លេចធ្លោមួយរូបបានប្រាប់កាសែត Newsweek ថា កងកម្លាំងទ័ពអាកាសរុស្ស៊ីអាច នឹងធ្វើឱ្យខូចខាតធ្ងន់ធ្ងរដល់រថពាសដែក និងថ្មើរជើងរបស់អ៊ុយក្រែន ប្រសិនបើទីក្រុងគៀវ បើកការវាយលុកដែលរំពឹងទុករបស់ខ្លួន ដោយគ្មានប្រព័ន្ធការពារដែនអាកាស។
យោងទៅតាមសារព័ត៌មាន RT ចេញផ្សាយនៅថ្ងៃទី៥ ខែឧសភា ឆ្នាំ២០២៣ បានឱ្យដឹងថា ការទទួលស្គាល់មួយទៀតលើបញ្ហាផ្គត់ផ្គង់ជាមួយប្រព័ន្ធការពារដែនអាកាសរបស់ទីក្រុងគៀវ ខណៈដែលទីបី គឺបានច្រានចោលការព្រួយបារម្ភផ្នែកបច្ចេកទេសដើម្បីជជែកតវ៉ាអំពីសីលធម៌របស់អ៊ុយក្រែន ដែលនឹងឈ្នះ។
លោក Dale Buckner មន្ត្រីយោធាអាមេរិកចូលនិវត្តន៍ ដែលបច្ចុប្បន្នជាប្រធានក្រុមហ៊ុន សន្តិសុខអន្តរជាតិ Global Guardian បានប្រាប់ Newsweek ថា រុស្ស៊ី “មានកម្រិតឧត្តមភាពដែនអាកាស ស្ទើរតែលើសលប់ ដែលពួកគេមិនទាន់បានបញ្ចូល ទៅក្នុងសង្រ្គាមនៅឡើយ” ។
លោក Buckner បាននិយាយថា យន្តហោះចម្បាំង MiG-35, Su-35 និង Su-57 អាច “បំបែក” ការវាយលុក ប្រសិនបើពួកគេអាច វាយប្រហាររថពាសដែក និងជួរទ័ពថ្មើរជើងនៅទីចំហ។ លោកបានបន្ថែមថា «ដូច្នេះ មានហានិភ័យយុទ្ធសាស្ត្រពិតប្រាកដ នៅលើដីសម្រាប់អ៊ុយក្រែន ប្រសិនបើពួកគេមិនមានប្រព័ន្ធការពារដែនអាកាសត្រឹមត្រូវ ហើយប្រសិនបើពួកគេមិនមានស្រទាប់ ការពារអាកាសច្រើនស្រទាប់នោះ» ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
