បរទេស៖ មេដឹកនាំក្រុមទាហានស៊ីឈ្នួល Wagner របស់រុស្ស៊ីនិយាយថា លោកនឹងដកទ័ពចេញពីទីក្រុង បាក់ម៉ាត់ របស់អ៊ុយក្រែន នៅថ្ងៃទី១០ ខែឧសភា ដោយសារកង្វះគ្រាប់រំសេវ។
យោងទៅតាមសារព័ត៌មាន BBC ចេញផ្សាយកាលពីថ្ងៃទី៥ ខែឧសភា ឆ្នាំ២០២៣ បានឱ្យដឹងថា សេចក្តីថ្លែងការណ៍របស់លោក យីវហ្គេនី ព្រីហ្គោស៊ីន បានកើតឡើងបន្ទាប់ពីលោកបានបង្ហោះវីដេអូ ដែលលោកបានដើរក្នុងចំណោម សាកសពយុទ្ធជនរបស់លោក ហើយលោកក៏បានស្តីបន្ទោស មន្ត្រីការពារជាតិកំពូលរបស់រុស្ស៊ីផងដែរ។
លោក យីវហ្គេនី ព្រីហ្គោស៊ីន បាននិយាយថា “រាប់ម៉ឺននាក់” ត្រូវបានសម្លាប់និងរងរបួសនៅទីនោះ។
រុស្ស៊ីបានព្យាយាមដណ្តើមយក ទីក្រុងភាគខាងកើតអស់ជាច្រើនខែមកហើយ ទោះបីជាតម្លៃយុទ្ធសាស្ត្រ គួរឲ្យសង្ស័យក៏ដោយ។ កងទ័ពរបស់ Wagner បានចូលរួមយ៉ាងខ្លាំងក្លា។
កាលពីដើមសប្តាហ៍នេះ អ្នកនាំពាក្យក្រុមប្រឹក្សាសន្តិសុខជាតិអាមេរិក លោក ចន ខើបប៊ី ដែលលើកឡើងពីប្រភពចារកម្មថ្មី បាននិយាយថា ទាហានរុស្ស៊ីជាង ២០ ០០០នាក់ត្រូវបានសម្លាប់ និង ៨០ ០០០នាក់ផ្សេងទៀតបានរងរបួស នៅក្នុងការប្រយុទ្ធគ្នានៅក្នុង ប្រទេសអ៊ុយក្រែនចាប់តាំងពីខែធ្នូ។ ពាក់កណ្តាលនៃអ្នកស្លាប់គឺ មកពីក្រុមទាហានស៊ីឈ្នួល Wagner ។
នៅក្នុងសេចក្តីថ្លែងការណ៍របស់ លោកកាលពីថ្ងៃសុក្រ លោក ព្រីហ្គោស៊ីន អាយុ ៦១ ឆ្នាំបានកំណត់ការសម្រេចចិត្ត របស់លោកក្នុងការដកខ្លួនចេញពីទីក្រុង បាក់ម៉ាត់ ដោយផ្ទាល់ ដោយមិនសុំការអនុញ្ញាត ពីក្រសួងការពារជាតិរុស្ស៊ី ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
