បរទេស៖ ក្រុមមន្ត្រីបាននិយាយថា មនុស្សយ៉ាងហោចណាស់ ៣០ នាក់ ត្រូវបានសម្លាប់ នៅក្នុងការប៉ះទង្គិចរវាងជនជាតិភាគតិចនៅក្នុងរដ្ឋ Manipur ដែលស្ថិតនៅដាច់ស្រយាលក្នុងប្រទេស ឥណ្ឌា។
យោងតាមសារព័ត៌មាន BBC ចេញផ្សាយនៅថ្ងៃទី៧ ខែឧសភា ឆ្នាំ២០២៣ បានឱ្យដឹងថា អំពើហឹង្សាបានចាប់ផ្តើមនៅដើមសប្តាហ៍នេះ បន្ទាប់ពីមានការប្រមូលផ្តុំគ្នាដោយសហគមន៍ ជនជាតិដើមភាគតិច ប្រឆាំងនឹងការផ្លាស់ប្តូរដើម្បីផ្តល់ឋានៈកុលសម្ព័ន្ធ ដល់ក្រុមជនជាតិដើម នៅក្នុងរដ្ឋ។
ហ្វូងមនុស្សបានវាយប្រហារផ្ទះ យានយន្ត ព្រះវិហារ និងព្រះវិហារ។ របាយការណ៍មួយចំនួន បានងាយការណ៍អំពីចំនួនអ្នកស្លាប់កើនដល់៥៤នាក់។
មនុស្សប្រហែល ១០ ០០០នាក់ ត្រូវបានគេរាយការណ៍ថា បានផ្លាស់ទីលំនៅ ចំណែកកងទ័ពរាប់ពាន់នាក់ ត្រូវបានបញ្ជូនទៅរក្សាសណ្តាប់ធ្នាប់។ បម្រាមគោចរបានធ្វើឡើង នៅក្នុងស្រុកមួយចំនួន ហើយការចូលប្រើអ៊ីនធឺណិតត្រូវបានផ្អាក។
រដ្ឋជិតខាងបានចាប់ផ្តើម ជម្លៀសសិស្សរបស់ពួកគេចេញពីទីក្រុង Manipur ដែលស្ថិតនៅភាគឦសាន នៃប្រទេសឥណ្ឌា និងនៅជិតព្រំដែន ជាមួយប្រទេសមីយ៉ាន់ម៉ា។
កងទ័ពនិយាយថា ខ្លួនកំពុងធ្វើឱ្យស្ថានការណ៍ ស្ថិតនៅក្រោមការគ្រប់គ្រង ប៉ុន្តែរដ្ឋាភិបាល ដែលដឹកនាំដោយ BJP ជាតិនិយមហិណ្ឌូនៅក្នុងរដ្ឋនេះ ត្រូវបានចោទប្រកាន់ថា មិនបានធ្វើគ្រប់គ្រាន់ ដើម្បីទប់ស្កាត់អំពើហិង្សានោះទេ៕ ប្រែសម្រួលៈ ណៃ តុលា
