បរទេស៖យោងតាមការចេញផ្សាយរបស់ RT កាលពីថ្ងៃម្សិលមិញនេះបានឲ្យដឹងថាអ្នករាយការណ៍ម្នាក់របស់កាសែតWSJគឺលោក Evan Gershkovich ដែលត្រូវបានចាប់ខ្លួននៅប្រទេសរុស្ស៊ី កាលពីចុងខែមីនា និងត្រូវបានចោទប្រកាន់ពីបទចារកម្មនឹងនៅតែស្ថិតក្រោមការឃុំឃាំង តុលាការក្រុងមូស្គូបន្តទៀត។
តុលាការបានផ្តល់សំណើរឲ្យអាចបន្តទម្រង់ នៃការឃុំខ្លួនរហូតដល់ថ្ងៃទី ៣០ ខែសីហាចំពោះអ្នកកាសែតវ័យ៣១ឆ្នាំរូបនេះ។ការចាប់ខ្លួនដំបូងដែលធ្វើឡើង ក្នុងរយៈពេលជិតមួយឆ្នាំទៅហើយនៅត្រង់ចំណុច ទីតាំងក្បែរទៅនឹងមូលដ្ឋានទ័ពយោធារបស់រុស្សីក្នុងទីក្រុង Yekaternburg ដោយទីភ្នាក់ងារសំងាត់រុស្សី FSB។
FSB បានចោទប្រកាន់បុរសជនជាតិអាមេរិករូបនេះថា បានគាត់បានព្យាយាមស្វែងរកព័ត៌មាន ដែលទាក់ទងនឹងការសម្ងាត់រដ្ឋអំពីសកម្មភាពរបស់ សហគ្រាសមួយក្នុងចំណោមសហគ្រាសឧស្សាហកម្មយោធារុស្ស៊ី ហើយតាមច្បាប់ គាត់អាចប្រឈម នឹងការជាប់ពន្ធនាគាររហូតដល់ ២០ ឆ្នាំ។
ទោះបីជាយ៉ាងណាក្តីមេធាវីរបស់លោក Gershkovich បានព្យាយាមរត់ការដោះលែងកូនក្តី របស់ខ្លួនឱ្យនៅក្រៅឃុំជាមួយនឹងទឹកប្រាក់ពិន័យចំនួន ៥០លានរូប ឬត្រូវជា៦២២ ៥០០ ដុល្លារ ដែលក្រុមហ៊ុនមេរបស់ WSJ ផ្តល់ជូន ប៉ុន្តែតុលាការបានច្រានចោលសំណើ របស់នាងកាលពីខែមុនរួចមកហើយ៕
ប្រែសម្រួល៖ស៊ុនលី
