បរទេស៖ មន្រ្តីជាន់ខ្ពស់របស់ប្រទេសជប៉ុន នៅថ្ងៃសុក្របានបដិសេធការអះអាងរបស់ប្រធានាធិបតីអាមេរិកលោក Joe Biden ដែលថា លោកបានបញ្ចុះបញ្ចូលនាយករដ្ឋមន្ត្រីជប៉ុនលោក Fumio Kishida ឱ្យបង្កើនការចំណាយលើវិស័យការពារជាតិរបស់ទីក្រុងតូក្យូដោយនិយាយថា ខ្លួនបានជំទាស់នឹងការអត្ថាធិប្បាយនៅក្នុងការផ្សាយជាសាធារណៈដ៏កម្រនៃការមិនយល់ស្របជាមួយសម្ព័ន្ធមិត្តសន្តិសុខរបស់ខ្លួន។
យោងតាមសារព័ត៌មាន Kyodo News ចេញផ្សាយនៅថ្ងៃទី២៣ ខែមិថុនា ឆ្នាំ២០២៣ បានឱ្យដឹងថា ការបដិសេធនេះបានកើតឡើងបន្ទាប់ពីលោក Biden បាននិយាយនៅឯពិធីទទួលបដិសណ្ឋាកិច្ចមួយក្នុងរដ្ឋកាលីហ្វ័រញ៉ាកាលពីដើមសប្តាហ៍នេះថា ប្រទេសជប៉ុនបានបង្កើនការចំណាយលើវិស័យការពារជាតិរបស់ខ្លួនយ៉ាងច្រើន ដែលជាលទ្ធផលនៃការបញ្ចុះបញ្ចូលរបស់លោកទៅលើលោក Kishida ក្នុងអំឡុងពេលកិច្ចពិភាក្សាបីលើកកន្លងមក។
ប្រធានខុទ្ទកាល័យរបស់ជប៉ុន គឺលោក Hirokazu Matsuno បាននិយាយថា រដ្ឋាភិបាលទីក្រុងតូក្យូបានប្រាប់ទីក្រុងវ៉ាស៊ីនតោនថា ការលើកឡើងរបស់លោក Biden គឺ ជាការ “បំភាន់” នៅពេលដែលប្រទេសជប៉ុនបានសម្រេចចិត្តពង្រីកថវិកាការពារជាតិដោយខ្លួនឯង ដោយបន្ថែមថា ចេតនារបស់ប្រធានាធិបតីគឺ “មិនច្បាស់លាស់” ។
ថ្លែងនៅក្នុងសន្និសីទសារព័ត៌មានមួយ លោក Matsuno អ្នកនាំពាក្យរដ្ឋាភិបាលកំពូលបាននិយាយថា ភាគីអាមេរិកឥឡូវនេះចែករំលែកទស្សនៈរបស់ជប៉ុន ប៉ុន្តែលោកបានបដិសេធមិនបញ្ជាក់តាមរយៈបណ្តាញការទូតណា ដែលផ្លាស់ប្តូរបានកើតឡើងនោះទេ៕ប្រែសម្រួលៈ ណៃ តុលា
